اخي الكريم باهي حياك الله وابقاك تسلم والله وصح لسانك على هذه الرائعة
الكرامة
سامحيني يا (العزيزة) ، واغفري لي وادمحي = غلطة العمر في جنابك يوم دمع العيـن طـاح
ما تعودتك جريحة.....وما خبرتـك تجرحـي = او خبرت حصون عزّك في سهولة تُستبـاح
اسألك بالله قولي يا (العزيـزة) ، واشرحـي = وش سبب دمع(ن) تحدّر يا غناتي للصبـاح؟
وش حصل لك يا(العزيزة) علّميني ...وضِّحي = منهو اللي احتل حصنك وزاد همِّك واستراح؟؟
منهو هذا اللي هزمنا هاتي اسمه...افصحـي = كيف غيّر في حياتك..دون ضجّة أو صياح؟؟
أدري إن الوضع قاسي لو جبرتـك تفرحـي = أو طلبت إنك تناسين المواجع.....والجراح!!
بس لازم يا (الرفيقة ) في المحبّـة تسمحـي = للخفوق اللي تعذّب يوصـل حـدود السمـاح
والله إنك يا (الكرامة ) راس مالي ومربحـي = دمعي اللي به جرحتك عن خفايا جروح بـاح
فأعذريني يا (كياني) واعفي عني واصفحـي = وانثري باقي رماد الحزن في هبوب الريـاح
وأنت يا اللي لك مكانة صعب جـداً تنمحـي = أطلب الله لك يسامح ، ثم يرزقـك الصـلاح!
وأنتِ يا (كُلَِّي ) تعالي ..هاك قلبـي وافتحـي = فيه صفحات(ن)جديدة كلهـا عـزم ونجـاح!
عيشي حبّك حلم باسم وإن خسرتي...تربحي = مسكن الشاهين عالي وإن توهمناه طـاح!!!!
يمشي فوق الأرض ينقل خطوته باحساس حي = ثم يرجع...للعلالي....رافع(ن)هام وجنـاح
[/poem]!!!
سلمت والله أخي الكريم على هذه القصيدة الرائعة
اخي الكريم قد لايستطيع المرء منا ان يعبر عن مايجول بخاطرة
الا عبر هذه النفحات الشعرية التي تتحرك بها مشاعره وتصدح بها ملكاته
اخي الكريم قد تكون لي عودة علني استطيع ان اوفي هذه اللوحة الجميلة المعبرة
حقها ... دمت اخي الكريم في حفظ الباري
Bookmarks