هذا من شعر محمد بن منصور الكثيري من جماعتنا
اكتب زلال الشعر فخر وزعامه \ دامي كثيري بكتب الشعر واقراه
غيري يحوس وماوصل بالسلامه \ وانا وصلت وجبت شعري من اقصاه
اكتب شعوري وارتفع فيه هامه \ وغيري كتب شعره ولا شبعه ماه
بكتب عن التاريخ نار وعلامه \ تاريخ يشهق بالبطولات ذكراه
بكتب قصيدي ما اخاف الملامه \ دامي سليل المجد والمجد خاواه
من صلب قومن فيهم الطيب شامه \ ناسن تفجر في المعالي شظاياه
شدوا عزوم المجد با قصى سنامه \ من صيتهم سدو ملاسين وافواه
القوس واضح من حرارة سهامه \ والكذب واقف لو مشت به خطاياه
هذا الكثيري ماتهزه حمامه \ صقرن تعلى فوق مثلك وهواه
هذا الكثيري لا تقرب امامه \ الموت عشقه والمقابر تمناه
يمكن سكت وكان ردي ابتسامه \ لان الصغير ليا حكى زلة شفاه
حنا عروق الدم حنا غرامه \ حنا طيور الموت مانعرف الااااه
وحنا سواد الليل حزة ظلامه \ حنا الفجر وضي القمر ماعرفناه
اكتب زلال الشعر فخر وزعامه \ دامي كثيري بكتب الشعر واقراه
بقلم
محمد منصور بن طالب الكثيري
تحياتي لكم
Bookmarks