الله يرحم حبنا اللي قتلتيه
جفت دموعي والبقا في حياتك
ياللأسف كل الأسف ما بكيتيه
أنتي الغرور أعماك عن حب ذاتك
أنتي بديتي الحب وأنتي نهيتيه
أقري عليه الفاتحه في صلاتك
أنتي رعيتي الحب وأنتي طعنتيه
توني دريت إن الغدر من صفاتك
أنتي شريتي الحب مني وبعتيه
عسى الثمن يكون سبت غناتك
أنتي رسمتي الدرب بس ما مشيتيه
أعماك عن درب الغرام التفاتك
أنتي كتبتي العهد وأنتي مسحتيه
محاولة تزوير في ذكرياتك
مره لبستي الحب مره فصختيه
هذا الهوى لا تحسبينه عباتك
قلتي أحفظه تذكار وأقول ما بيه
تذكار حبي هو شهادة وفاتك
خلي جمالك ينفعك وأستغليه
روحي ورا اللي قال لك يا حلاتك
أخذي الهوى وياك ليش أحتفظ فيه
يمكن يجيء له يوم يهدم حياتك
الشاعر:طلال السعيد
Bookmarks