ياحكام العرب
يادم
شق ياغالية يارمز التحدى والصمود
شايف حكام العرب بيغزلوا بأديهم الخيوط
وبكره حييجهزوا ليكى الكفن
( وأبن موسى ) بيجهز ليكى التابوت
نفس التابوت اللى فيه العراقى أدفن
ما أحنا عرب
رمز الخضوع
رمز المذلة والعفن
بعد ما دفنوا الحضارة
بعد ما هدموا المنارة
ما أنتى يادمشق للعراق برضه جارة
ما تخافيش .. بكره التركة حيقسموها
بعد ما يغزوا أرضك ويدخلوها
ياخسارة على حكم الزمن
مصر خلاص طلعت م اللعبة فى اتفاقية كانت عل العلن
باعت ضميرها ..والأرض باعت من مراكش لليمن
أنا سامع بنت بتصرخ ف الجولان
بتنادى على كل عربى
بتقول قوم ياجبان
بتقول يامسلم .. أحشائى شايلة ولد
حملت فيه من يوم ما بعتوا البلد
طفل الخطيئة حالف ما ينزل على أرضكم
فين أرضكم ؟؟
أرضكم ياعهرة اللى باعتوها لليهود
فين أرضكم ؟؟؟
أرضكم اللى سمحتوا يتعمل فيها حدود
فين أرضكم ؟؟؟
وفين عرضكم ؟؟؟
أنا عرضكم ؟؟
أنا حامل من يهودى أبوه شارون
أأأأأأأأأأأأأأأأأأأأأه
بكره ياحكام العرب فى حساب
ياللى بعتوا أرضى وعرضى وبعتوا التراب
يادمشق .. أوعى تنادينا
أتعلمى من بغدادنا الحزينة
يافلسطين بلاش تدعى علينا
ما أحنا زيك فى أحتلال من حكام العرب
Bookmarks