السلااااااام عليكم ورحمه الله وبــركــاتــه
كيفكم كلكم
اليوم جايبه لكم طريقه الخبز اليافعي
صراحه اي احد يطعمه يجلس يمدح ويسأل كيف وايش فيه
وحتى لما يحاولوا يعملوه .. ماينضبط معهم ^^
سبحان الله مش اي احد يعرف يسويه
عمومًا اني اليوم بجيب لكم طريقته بالتفاصيل
وعلى الله يضبط معكم
نقول بسم الله
1- سبعه كاسات دقيق ابيض + خمس كاسات دقيق بر
2- خمس ملاعق حليب بودره + شويه ملح
3- ماء
4- زيت (صليط حالي"سمسم") ^_^
تعجني المقادير تماااام
انا اجلس تقريبًا من عشرين دقيقه الى نص ساعه اعجنها
واحط عليها المويا شويه شويه
وبالاخير نحط عليها شوي زيت
ونقطعها لقطع صغيرة (من 25 الى 30) قطعه
ونخليها تتخمر من خمس الى عشر دقايق
وبعدين نجيب صحن كبير شوي (حسب حجم قطع العجين) يفضل يكون تيفال او معدن ونحط عليه شوي زيت
ونفرد العجين
ونحطها على الصحن ونحط عليها رشه زيت
ونعيد نفس الشي مع كل قطع العجين
وحده فوق وحده وبينهم رشه زيت خفيفه بس عشان ما يتماسك
وبعدين نحطها بالفرن على درجه حراره خفيفه جدًا
وتبقى لمده عشرين دقيقه تقريبا
ونقلبها على الجهه الثانيه تبقى حق ربع ساعه بالكثير
ونطلعها من الفرن
وهذا هو الشكل النهائي للخبز
ولما تقطعه يكون فيه طبق كثير
ويكون حلو مع العسل او حتى مع شاي احمر بس
كانت معكم
الشيف : سمسم
Bookmarks