هــــاي .... هذي قصه تاريخيه كتبها محشش الله يخلف على ام جابته ..
المشهد الاول :
عزوز فارس القبيله الذي لايشق له ثوب يمتطي جحشه وينطلق الى الغدير ليسقي جحشه ..فيشاهد مجموعه بنات يردن على الماء ..فيقول وش هالزحمه والله لو انه خباز..ثم يرى بينهن هبه فيدق جوال عزوز وقلبه ويغني ...
شفتك ولا حطيت عيني بعينك
ويغادر الغدير وسط ضحكات البنات الله يرجهن...
المشهد الثاني :
هبه تشكي حبها لخويتها مطيعه التي ترد عليها اسكتي ياشينه والله مالك غير ولد عمك هشام ...
فترد هبه عليها : كش عليكي يادبه لاتحطمين مشاعري !!!!
المشهد الثالث :
هشام يتقهوى عند عمه الشيخ ابو هبه شيخ القبيله ..ويطلب يد بنت عمه هبه وقرونها !! فيوافق الشيخ ويخبر هبه بالخبر فتغضب هبه وتقول : يابابا هشام داشر ويدخن مالبورو احمر ومامعه شهادة كيف اخذه ...؟!!
فيرد ابوها ..انثبري ياملا الوجع .مالك إلا ولد عمك اولى من الغريب
وبعدين هشام هو فارس القبيله والكل يحبه صحيح انه مايكتب مواضيع زينه في المنتديات لكنه شجاع .
المشده الرابع :
عزوز يقابل هبه بسوق الحريم ومكان الغزل حق القبيله الغدير ويتبادل معها هدايا الحب .. أهداها كرتون تمر وهي أهدته كيس جريش ..!
عزوز يقول لهبه : ليش ياعمري منتي حاطه بلوك على ولد عمك هشام ؟!
فترد هبه عليه : منيب مااقدر ..
وتخبره هبه بخطبه هشام لها ...فيحزن عزوز وتدمع عينه ( دخل فيها تراب )
المشهد الخامس :
الشيخ ابوهبه ورجال القبيله مجتمعين في بيت الشيخ يشاهدون برنامج من سيربح المليون
يأتي مصيول راعي القبيله ويصرخ : الحلال ياعمي انسرق... الحلال انسرق..
ويهب الشيخ ورجاله واقفين على حيلهم ويصرخ الشيخ ابو هبه ويقول :
من سيرد الحلال ويربح بنتي هبه ول ثلاث وسائل مساعده : ياخذ بارودتي وحصاني -- او يحذف عصا -- او يتصل على مصيول ؟؟
ويقف هشام ويقول (انا لها ياعمي ...)
وينطلق هشام على حصان الششيخ ليلحق بالغزاه ليرد الحلال
المشهد السادس :
الغزاه يمسكون هشام ويصفقونه وياخذون حصانه وبارودته ويخلونه يدقها كعابي للقبيله ..طلع خرطي !! ههههه
وهنا يقفز عزوز ويقول : محد يرد الحلال غيري فيرد الشيخ :قم بس قم
وينطلق عزوز ويلحق بالغزاه ويطخطخهم كل ابوهم وامهم ويرد الحلال كله ....
يهب ياوجهه ..علشان الحنان ولاهو من جنبها ....
ماعدا كم عنز ماتن بالطريق من حمى الوادي المتصدع !!!!
المشهد السابع :
يصل عزوز مع الحلال للقبيله ...وهو سعيد صالح بفوزه بهبه ..(بالهدف الذهبي ) ههههههههه
وتتم الخطوبه والشبكه (أبراجها فل ) وعمت الفرحه القبيله ويتم تحديد الزواج في العطله الصيفيه في قاعه جرف ليالي الغنم ...
ويشتري عزوز كم حصان بالتقسيط ويبيعهن كاش حتى يوفر متطلبات العروس وجهازها .
المشهد الثامن :
قبل الزواج ..بكم شهر بدأت تمرض هبه مرضا شديدا وبعد ان عجز دكاتره القبيله في علاجها يأخذها ابوها الى المدينه (توهق المخرج )ههههه ويعرضها على اكبر الاطباء ..
وبعد فحوصات شامله يقرر الطبيب ان هبه تحمل صفات وهرمونات ذكوريه !!!
ولابد من عمليه لتغيير جنسها من امرأه الى رجل ...(قعد بها عزوز )
وتتم العمليه وتصبح هبه ( صقر )..
المشهد التاسع ::
فرح ابوهبه لانه يريد ولدا يرث حكم القبيله بعده ...(ياشين هالوراثه )
وفرحت هبه التي اصبحت صقر لانها كانت معجبه بصديقتها نوفه ودزتلها ايميل وبشرتها ....
وعادووا للقبيله بعد ان تبدل حال هبه الى صقر وقصت قرونها بعد ماكانت تسوي شعرها كعكه لانه خشن
الحلقه الاخييييييييره ::
يصل الخبر الى عزوز الذي كان قد جهز بيت الزوجيه (الخيمه )
فيسقط مغشيا عليه ( مسكين ماله دور ثاني ) فيشممونه كلونيا وبصل ولكن دون جدوى فقد مات عزوز ... ( لو شمموه شماغه صحى )..وعلم صقر ( هبه ) بموت عزوز فحزن حزنا شديدا جعله يتزوج نوفه ..
انتهت الروايه ...
مع تحياتي :: شكسبير المتنبي
Bookmarks