السلام عليكم ورحمة الله وبركاته
كيف الحال ..؟؟ <<<< أول فيلم سعودي
ايش اخباركم ..؟؟<<<< أول فيلم هندي خخخخ
.
.
.
مبروووووووك ع القسم الجميل دا <<<< بدري
طبعا اول موضوع ليا هنا
ان شاء الله يعجبكم
سويت حلى انما ايه حاقه خرافيه
حاقه ماحصلتش
ولا ح تحصل
مع غرام مش ح تئدر تغمض عينك <<<< مادح نفسه خراااااااااااط
وبالصور من مطبخنا :69:
ما ابغاكم تاخذوا فيني مقلب
ترى انا أخيب وحده في الطبخ خخخخخخخخ
لا بس والله اعرف اسوي شاااااااااااي
قهوووووه :66: ..
بيض بكل انواعه خخخخخخخخخخخخ
سندوتشات جبنه وزيتون
.
.
مره امي كانت مسافره
استلمت المطبخ في غيابها طبعا
بما اني الكبيره حاليا وصرت ام العيال في غيابها ..
طبعا من الساعه 11 وانا صاحيه <<<< 11 بدري عندها
وماسكه التلفون في اذني ..
واخذ التعليمات من اختي الكبيره
وحوسه ..
ما يحتاج اقولكم:68: ايش صار فيهم من اكلي
قلك سويت لهم اول يوم كبسه :69:
بس كبستي ياسلام لازم احطها في المنتدى بصراحه ..
الكبسه اللي سويتها ذاك اليوم
كنها عصيده بس والله حلوه :66: فيها طعم مميز خخخخخخخ
::: اول يوم ::::
كنا مجتمعين كلنا .. ماشاء الله اولادي كلهم موجودين ..
كانوا متحمسين ومستنين بفارغ الصبر ..
كلها خمس دقايق بس ..
وبدأ الواحد ورى الثاني ... <<<< ينسحبوا
:::: ثاني يوم ::::
كل واحد قافل على نفسه الغرفه ..
أنا وابويا بس على السفره ..
يواسيني
اتصل على اخويا .. وينك ما بتجي تتغدى .. ترى عامله ...
قاطعني ..
أخويا : امي ما بجي على الغدى اليوم تبغي شي
أنا : لا يا ولدي الله يحفظك بس سوق بشويش
أخويا : من عيوني
طق (انتهت المكالمه)
كانت ايام فضيعه ..
طبعا هذا الكلام من فتره
خلاص انعدلت وصرت اعرف اطبخ <<< ترقع
.
.
.
.
المهم ياطويلين العمر
نرجع حق محور حديثنا
هذا حلى جنان
اسمه حلى غرام<<<< بعد المقدمه ما اعتقد احد بيجرب الحلى:65:
يلا ..نبدأ بسم الله
المقادير:
زي ما انتو شايفين ياحلوين
2 شعيريه باكستانيه هذي اسمها شعيرية أحمد
10 قطع جبن كيري
علبتين قشطه التاج
1 حليب نستله المكثف المحلى ( علبه كبيره )
ملعقتين كبار زبده
الزبده اللي في الصوره حجم عائلي خخخخخخ
ظرفين من الكريم كراميل
كاستين حليب سائل
بسكويت شاهي
نسكافيه.. يادوب رشه بس برضوا العلبه حجم عائلي
المقادير كثيره صح ..
واللحين الطريقه :
كسري الشعيريه وحطيها في القلايه
وحطي فوقها الزبده وتحمسيها كويس
لين يصير لونها ذهبي .. زي اللي في الصوره
خليها تبرد
تجيبي قدر وتصبي الحليب السائل والكريم كراميل
وتحركيه وتخليه لما يغلي خلاص
بعدين تشليه من على النار وتضيفي القشطة وتحركي
هاتي الشعريه وافرديها في صينية بايركس كبيره
وصبي خليط الكريم كراميل وهوا حار
وتوزعيهم بالتساوي في انحاء الصينية
بعد كده
تجيبي البسكويت وترصيه والصينية حاره عشان يلصقو في بعض
وبعدين تجيبي الخلاط وتحطي فيه
الجبنه والنستله
اخلطيه كويس مره
وصبيه فوق البسكويت
وتوزعيه تمام
خذي الصينية وتوجهي نحو الفرن
تحطي الصينية تحت الشوايه
زي الصورة بس شوي عشان يتماسك
بس انتبهي يحرق عليكي
انا انحرق عليا شوي
فسويت عمليه تجميل وحاولت اشيل الاجزاء المحروقة
وبعدين
رشي الوجه بالنسكافه
وخليه في الثلاجه ساعتين زمان
الشكل النهائي
ترى طعمه شي مو طبيعي
مع القهوه ااااااااااااااالله
.
.
.
.
.
أول ضحيه معانا بنت اخويا <<لا احد يسالني ليه كاتبه خالتووو:65:
ومايحتاج اقولكم ايش صار فيها
وبالعافيه عليكم ياحلوين
كيف في امل مني صح ..!!
Bookmarks