اكاذيب الشباب على البنات
كلام شباب * شباب
1-
.. حبيبتي تدرين والله ما عندي حركات الشباب ....ما اكلم بنات!..:DANCE: ... اصلا ما احب هالحركات
(( باين وانت كل بنات العالم يعرفونك ))
2-
.. ما ادري حبيبتي احس اني اعرفج من زماااااااان
(( لا يمكن مغلّط بين وحده كنت تعرفها قبل .:A16: .. يمكن في شبه ))
3-
.. حبيبتي والله احس انه في اشياء كثيرة انا وانتي نتشابه فيها ... كاننا شخص واحد
(( سبحان الله اخوها في الاسلام لازم يكون في شبه ))
4-
!!.. حبيبتي احس انج غييييير عن كل البنات !...احس انج مختلفة وغير عنهم
(( ليش فوق راسها ريشة ولا من كوكب ثاني:A27: ))
5-
!! .. يا ليتني يا قلبي عرفتج من زمان
(( معليش كان عندك زحمة ))
6-
!! .. حبيبتي انتي تااااامرين على قلبي امر ... كل اللي تقولينه اقولج تمّ ومن هالعيون
(( هيه في الاحلام اكيد:LOL: ))
7-
!! .. حياتي ابغيج تتغطين عشان محد يشوفج ...لاني اغااااااار
(( يا حراااام الغيرة حرقت قلبك حرق:BELE: ))
8-
!! .. انا ياي اخطبج من اهلج بس بعد ما اكون نفسي
((اجل من تكون هههه بس صدق تكسر الخاطر فلوسك كلها على المبايل و السيارة وعزايم ربعك:A5: ))
9-
!! ..يا قلبي ابغي اشوفج في اقرب وقت ..
.. ما اقدر على الشوق:BOUNCE: اللي ذابحني
(( يبغي اصحابه يتاكدون انه حبيبته حلوة ))
10-
!! .. انا احب الشعر ومن هواياتي الرسم والسباحة
(( لا روووووومنسي الحبيب .:A6: . طلع روميو ونحن ماندري ))
11-
!! .. حبيبتي حطي في بالج انا اذا حبيت حبيت من قلبي
(( اقول بس اي قلب فيهم ؟؟.:AS-SLEEP: .))
12-
!! .. علاقتي فيج محد يدري فيها ابد لانها من اهم خصوصياتي
(( بس عاد كل اصحابة يدرون .:M11: .. لانهم مو اي احد ))
13-
!! .. شكلي حبيبتي راح آخذلي لي جاكوار من الوكالة
(( اذا مو هوندا مديل 76 من الحراج ))
14-
!! .. احتمال اروح سويسرا الصيف الياي
(( هيه هيّن .. اذا مب ساير بمبي والا بندر عباس هع هع ))
15-
!! .. دايما! اشتري عطوراتي من تناغرا وباريس غاليري
(( الحمد لله والشكر ))
16-
!! .. حبيبتي .. لما اشوف رقمج في موبايلي قلبي يفز من مكانه
(( اكيد خايف تكون كشفت ملاعيبك ))
17-
!! ..فلان قال لي اعطيه رقمج ... بس انا قلت له :BEHEAD: اقتلني:2gunsfiri قبل لا تاخذ رقمها مني
(( ههههه يا مضحي انت يا شجاع ياقدع ..... هذا اذا مب كل الشباب يعرفون رقمها مسكينة ))
18-
!! .. حبيبتي ابغي صورتج علشان قبل لا انام اتاملج واحلم فييييج
(( وانت الصادق علشان تمل منها:AS-SLEEP: تهددها ))
19-
!! .. اسف حبيبتي امس ما اتصلت فيج كنت مشغوووول مع الدراسة
(( باين يا نيوتن انتااااااااااا))
20-
تدرين حبيبتي دايم البنات في السنتر يطلبون رقمي ..
.. بس انا ما اعطيهم ويه دام انتي حبي الوحيد
(( الترتيب الصحيح للجملة ... دايم انا الحق البنات بس ما يعطوني ويه ))
21-
!! .. والله حبيبتي كان ودي ايييج ع الموعد اليوم بس صارت ظروف صعبة جدااا وما اقدر ايييج
(( هيه صح تذكرت موعدك مع ربيعتك الثانية
اللي واعدتها 10 مرات وخلفت وعدك ))
22-
!! .. امس ما رقدت طـــووول الوقت افكر فيج ..
...ماخذه عقلي وتفكيري حبيبتي
(( لا صدقت نمت وحلمت وشبعت نوم ولا داري عنها اصلاااااا))
23-
!! .. انتي احلى بنت شفتها في حياتي ما اظن القى احلا منج
(( ليش متعرّف على ملكة جمال الكون واحنا ما ندري ؟..))
24-
الظاهر بشتري كمبيوتر يديد ...كمبيوتري صار له شهرين معاي وكمبيوتر اخوي مايعجبني
!! ..والكمبيوتر الثاني ما اتأقلم معاه
(( ماشاء الله وكالة كمبيوترات اقص ايدي اذا ماكان كمبيوترك من العصر الجاهلي وكل ماخترب صلحته ))
25-
!! .. ما افتح المسنجر الا اذا كنتي موجودة ...اصلا النت بدونج ما يسوى
(( يقصد ...ما افك عنج البلوك الا بعد ربع ساعة من تدخلين ... ترى النت بدون البنات ما يسوى ))
Reply With Quote
Originally Posted by mohdmy
Bookmarks