اخواني الافاضل رواد هذا المنتدى الجميل والرائع
(مسجــــــــــــــــــــات ) لمن يحب يكتبها في جواله او يرسلها لصديق له
وارجو المعذرة والسموحه ,,,
ابي اكتب قصيدة حب..
أبي تفهم معانيها...
أريدك بين هالعالم ..
تفاخر يوم تقراها...
ابيك لحرفها تطرب..
ابي غيرك يغنيها...
ابي لامن سألك انسان..
من اللي فيك سواها...
تقول اللي سكن قلبي..
وروحه لي مهديها...
............................
مايسليني تمناي الوصول
مير يتركني مثل طفل غرير
علموه اهله اساليب الدلال
لاطلب شي لجل عينه يصير
وإن بكى نادوه يالغالي تعال
البكى يتعبك يالقلب الصغير
ليتك دمع على الوجنات سال
مر بشفاته وفي فمه يحير
............................
ياسيدي بالحب والحب سيدك
يابعد من حبيت روحي تناديك
لوابتعدت سنين شوقي يعيدك
مرساك قلب كل مابه شواطيك
ياليت بنسمة فرح يوم عيدك
تضمني عينك وعيني تباريك
مهما نقصك الشوق انا بأزيدك
ومهما ضما قلبك من الحب برويك
...............................
ياسيدي بالحال رد النظر
وارحم محب حياته بين ايديك
إلى متى يازين وانا انتظر
صبري قضى والعمر منك واليك
الناس طلعت سطح القمر
وانا معك ماقدرت اوصل اليك
معاد باقي علي الا انتحر
واموت لجلك حسبي الله عليك
....................................
- ابيك تدري صوتك العذب لاغاب
احس نفسي تنكسر من غيابه
كذا غيابك للحزن يفتح ابواب
غصب علي البس شقاه وثيابه
ادمنت صوتك وان تثيقلت كذاب
من يعشقك لاغبت يفقد صوابه
- من يقول اني بنسيانك نويت
وان تناسيت يذكرني التعب
مستحيل انساك لو حتى قويت
وان قويت انساك نسيانك صعب
في دقايق غيبتك ياما بكيت
ياما لعيونك تجاهلت العجب
كنت ادور فيك عيب مالقيت
وان لقيت العيب يعجبني عجب
................................
مايصير انساك لامايصير
وفي خفوقي لك معزه واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لالمحتك مابقى حولي ظلام
فيك عمري فيك روحي والمصير
فيك كل ايام عمري والسلام
Bookmarks