لا ردج الله لا ولا أطـلب ترديـــن
وأدعي عليج بعثرةٍ في صلاتــي
عثرات تشلج ما بعدهـا تقوميــن
يلي نقضتي عهودنـا الماضياتـي
خدام لـج بالقلب كانت بساتيـن
وريضان وغصون أبها يـاعناتـي
كانت تروح الروح ساعة تروحيـن
وتعف نفسي شربها والـمـقاتـي
وكنت مناة القلب والروح والعيـن
واليوم عينج يعلها مـا تبانـي
كنت أحسبج لعهـد الحب توفيـن
قلت الغـدر بالحب ما هو سواتـي
وبان الغـدر سمٍ يجري بالشراييـن
الله عسى يسقيـج سم الفعاتـي
كلٍ سقيـتج حب واليوم تنسيـن
اتقوليـن حلم أيام واليوم فاتـي
وخذتي الهوى لعـبة على ما تحبيـن
الين عصفتِ بالهوى عاصفاتـي
وصرتي بشعري (ف)العذارى تباهيـن
قلتي أنا شمس العصر في حلاتـي
وبالشعر صوّرتج أخزام ورياحيـن
وأثرج قضام وشوك مابه مداتـي
وبالشعر غليتج على كل غالييـن
وأثرج دنية تتبعيـن الدناتـي
رسمتج سحابة خيـرِتنفـيـن
فرشت لـج الصَّحرى زهور ونباتـي
رسمتج مـهـا للجميلة تقوديـن
وأثرج خـروف ضيعتها الرعاتـي
توسلت لج على حب عاميـن
عامين لكن (ف)حياتي مئاتـي
ناديت لكن أبد ما تسمعيـن
عمري وروحي والفكر في شتاتـي
خنتي وبعتي كل عهد ويميـن
ما عاد يفرق بين ماضـي وآتـي
صرتي مثل غيرج بخسٍ تبيعيـن
يا من رخصتيني مابقى لج غلاتـي
تحسبيـن انج بالعاليات ترقيـن
كيف الصعود يكون للهاوياتـي
والنوق من تخرس فلا يفيد التمريـن
ما يفيدها قلصِ وضرب العصاتـي
ومع ناقةٍ خرسى تكلفت سنتيـن
فلا نالت بشب ولا بمـهـداتـي
صبري نفذ واليوم ثارت براكيـن
مظلوم ولرضاج تحل دعواتـي
أسبوع فدوامي ولا أيي غير يوميـن
ويوم أوصل الدار أتصل وأحاتـي
سمعي عسى من بعدها ما تسمعيـن
سمعي دعاء صار قلبـه حصاتـي
عساج بعوقٍ بعدهـا تبريــن
عوق تشفعه قلـوب العـداتـي
أدعي عسى من ناظرج ما تشوفيـن
وتطحن بج الأيام طحن الرحاتـي
ويالله عسى يحتار فيج المداوييـن
تبين الـمـمات ولا ييج المماتـي
ويالله عسى كف الندامة تعضيـن
تندمين في يوم ويفوت الفواتتي
وتبكين دم يسيل من مقلة العيـن
ويحتار قلبج من عناه وعناتـي
وعسى ما تلاقي له القلب تهديـن
وان هو حصل أدعي عساج الشتاتـي
يا ظالمة له بوسط بيته تعيشيـن
غافي وحوله شب جـمـر الغضاتـي
عساج بعمرج ساعة ما تهنيـن
تمضي حياتج بين هـم وشقاتــي
يابنت قلبي وين مثلـه تلاقيـن
قلب عطاج للحب ما قال هاتـي
ييتج وروحي شلتها لج بكفيـن
و(ف) الثانية رمح الخـيانـة جزاتـي
يالله عساج النار يا أم وجهيـن
كلنا انكشفنا وما يفيد العباتـي
يالله عسى تلبسج جن وشياطيـن
وتكونين مدعاة الحكي والشماتـي
والله ماني منتظر قلبج يليـن
والمجبلاتـي أكثر من الفاتياتـي
وما من عادتي أتبع غضون المقفيـن
ريح تشل أضغونج والمقفياتـي
يا (ف) ليلةٍ ظلمة يعتل الله تزوليـن
وتأتين بمنايساتِ مشرقاتـي
وياحيةٍ رقطى تقود الـثعابـيـن
باجر تحل أيـامـج المعتماتـي
ياظالمة نفسج ترى الدهر يوميـن
يوم نجيتي ويوم ما بـه نجاتـي
بيني وبينـج أيـام وسنيـن
وانا شاهدي قلبٍ من الغدر ماتـي
ما كان في كفـوف الموازييـن
ولا كان ربح كل غدر البناتـي
ويا دمعـةٍ تمساحِ لا لا تذرفيـن
العيون رغم دموعـها كاذباتـي
لا ما عرفتي الحب لا ما تحبيـن
وغدرج تعدى غدر ذيب الفلاتـي
الذيب يعــوي قـبـل ما يغدر بمسكيـن
وأنتي غدرتي خافقي في سباتــي
وأنتي السبب سقتي (ع) القلب جرحيـن
غدر الغرام ووجع الذكرياتـي
وأنتي السبب واليـوم لا لا تلوميـن
وان ياج باجر شوفي وشلون يآتـي
والله لأكتب وأفضحج في دواويـن
وأرزف وأغني يوم خبر الوفاتـي
وأرسم لأهل العشق قلبين وسهميـن
وقصة خيانة ما روتها الرواتـي
يمين لأنشر فوق اسمـج عناويـن
وأشهر بج من قاصي اليمن للفراتـي
ومن غرب هـ الدنيا الى قاصي الصيـن
ديوان غـدرٍ فـيـه كـل اللغاتـي
والبادي أظلـم سنَّة العيـن بالعيـن
والا هذي لا بعادتـي ولا بصفاتـي
ويا شبـه انـسـانـة بـراس ورجلـيـن
أعـوذ بالرحمــن مـنـج (ف) صلاتـي
Reply With Quote
Bookmarks