السلام عليكم ورحمة الله ............
هذي قصائد لاخوكم اتمنى ان تنال اعجاب الجميع والمعذرة على التقصير .............. ابو راكان
اخوي القطامي أرجو الانتباه للقصيدة الأولى ... وشكراً
بيني وبينك مسافة لو ابمشي قدم=انا اشرب المر وانته عايشٍ في دعه
طبعك مغاير لطبعي ياثقيل النسم=لكن طبع الفتى غالب لمن طبعه
واش لك تشيل المساحي وانت راعي غنم=ضيعت صحبك وحنا في وسط معمعه
قالوا لك الناس شاطر واستحبت القلم=مدري قناعة معك والا لبست اقنعه
ماكان ظني يغرونك وتنصب علم=تدخل بغبة بحر مظلم ولا تشرعه
احترت انا فيك مدري كسر والا سلم=ترعى جمال البدو وجمالك مضيعه
لا ترمي الناس بالباطل وتكسر عظم=من ياكل اللقمة النية فلا تشبعه
لا تبنى البيت في وادي وتعبد صنم=يشتالك السيل والاصنام متصرعه
الحب سوس ترى والتمر فيه العجم=والليل طرف وكل (ن) ينكشف مامعه
لا يلحق السيف الابيض يا صحيبي ثلم=واحذر تبيع الثمان الوافيه باربعه
اخوك من يصدقك ما صدقك وانهزم=واللي حكى لك وفرق شمل لا تتبعه
تذكر زمانٍ مضى قلت انت راس السهم=ما ريت بك في بلادٍ ما بها من سعه
انصحك تسمع كلامي مره وقول تم=لا زلت اودك ولا ارضى فيك غبن وضعه
ام المناقيد تشرب من قليل الدسم=تطلب خدمها ليا سمعت لها قربعه
بعيد الديار اللي ذكر ناس ناسينه=نسوني بلا ذنبٍ عليهم تعمدته
وكم من ليالي يذرف الدمع من عينه=ليا خف جمر الشوق بالقلب وقدته
هوى النفس يامرني ويفرض قوانينه=وكم مرة عن مخطية منك رددته
قريب (ن) على قلبي هواكم ويازينه=وغيرك من الاجناس لوزان بعدته
تمنيت لو مره تقولين تفدينه=وانا اللي علي الله في الحب شهدته
واذا اسودت الايام جنبه تواسينه=ومكيال حبك لو نقص يوم زودته
فدتك العيون وكل شي تسوينه=ورد منك شي مايرد غصب وردته
منور ياقمر تجلي ظلام الليل من مبداك=تذكرني ليالي كنت انا ويا قمر ثاني
قمر ضيه مثل ضيك ولا حلياه من حلياك=اذا ما غبت يذكرني ويفرح يوم يلقاني
حبيبي لو تدري وايش يصيب القلب من فرقاك=افارق كل لذات العمر والطرف سهراني
افكر فيك اضمك في خيالي وانت منت هناك=اقول اللي سقاني يا خفيف الدم ما ارواني
ابشرب مالعسل رشفة وابقطف من غصون الراك=واجيب الورد من كل الدروب اشكال والواني
اعزائي رشحوا قصائدي وسوف تحصلون على آخر قصيدة ....
مدري ربيع العمر وين ايامه=كنت احسبه باقي واثاره ولى
والله ابو راكان سار بالجملة قصايد وآخرتها اربعة ردود بالكثير يعني ، بس من أجل اللي طلبوها كله يهون ...
تحياتي
ابو راكان
Reply With Quote
Originally Posted by *أنفاس الحب*
Bookmarks