ماذا اقول لها ؟.........

[samira]

اطرح هدذا الموضوع لعلى وعسى تساعدوني في حل المشكله اللي انا فيها.. ومافي حد بيفهمنى غيركم انتم لاننا نعتبر اسرة واحده كل منا يساعد الاخر في وقت الازمات .. وما اخبي عليكم انا الان في ازمه يعلم بها ربنا..
الموضوع ومافيه .. اسمعوني فكوا اذانكم لي ..
انا عايشه في بلد اجنبي .. ولي صديقه اجنبيه .. .
دائما عندنا .. تأكل معنا رز و صانونه ومطفيايه .. وتلهف الشتني لهف..
المهم عرفت اننا نازلين اليمن..
قالت وانا معكم ..
قلنا لها هلا وسهلا..
انا كنت اعتبر الكلام عابر ..
امبارح فوجئت بها توريني الفيزاء على جوازها..
والى الان عيني ماعرفت النوم ..
كيف اسوي .. مو العمل ..
مافي مشكلة بالاكل و الشرب و السكن ..
المشكله في اشياء اخرى انتم بتفهموني ..
اذا قلت لها لا .. و صعب ..
في احراج
انا جالسه اشرح لها عن اليمن
واهل اليمن
واستقبالهم للضيف
وفي الاخير
لما وقع الفاس بالراس
اقول لها لا ..
ارجوكم ايش الحل ؟...

[غسان لصفوح.]

شي جميل والله اختي سميرة

ومثل ماقلتي انتي لا مشكلة في الاكل والشرب

ايش يعني نص كاسه رز زيادة ماهي خسارة

هو صراحتأ اكيد باتتقيدي في امور قد تحبين عملها كزيارة الاهل

وصدقينا ستكون ذكريات جميلة جدأ

نصيحة مني اول ماتوصلون طبعأ يوميأ حراسة مشددة معها

وبعدها عرفيها على صديقاتك واخواتك

وبعدها علميها الطرق ومعرفة الطرق في حاله حبت الخروج

ولاتنسي اهم شي تعرفيها لاصديقاتك مع انه هذا شي موكد

لاانها ممكن ان تنفرد معهم

وتقومين بااعطاء الوقت لنفسك لتعملي اشياء اخري كزيارة الاهل والجلوس معهم

وصراحتأ شي جميل ان ياتي صديق معي من دوله اخري للخروج ومعرفته بااليمن

عن نفسي ولو كنت بموقفك هذا وجاة معي صديق

بانسبة للخرجات اكيد سيكون معي

بانسبة للنوم لا مشكلة فراش ومخدة وطراحة وارقد ( لكن لو طلع يشخر ههههه مشكلة )

الاكل والشرب على قوله المثل لقمه هنية تكفي مئة

ولي عودة

[samira]

شاكره مرورك وطلتك على مشكلتي بس اخي كيف مافي مشكله انا مش عارفه كيف اخرجها من البيت عند التسوق وعند الزيارات دي مسئوليه ..
اهلي هنا يقولون ان هده الصديقه في يوم من الايام بتسلم لانها تحب العرب وتحترم تقاليدهم ..
بس المشكله هناك كيف الاهل اللي في عدن بيتقبلوا هدا الوضع وكيف الناس في الشارع بيتعاملوا معها ..
وهي كيف بتتعامل مع الاخرين ...

[دانجرو]

بسم الله الرحمن الرحيم

تذكرينا بنفسي لمن عزمت المدرسه حقي الامريكيه الي كانت تدرسنا على بيتنا في العيد كنت اهم والله واحسب يالله ايش المشكله الي حطيت نفسي فيها معرف ايش معرف ايش بس والله بعدين لمن اجت البيت حق جدي والله كلهم فرحانيين ومعرف ايش ونضحك و وزعت حق العيد للجهال ومن هنا ولا صار شي ومادامك في عدن والله انه اهل عدن اطيب واحسن ناس مقارنه بي باقي المناطق الثانيه واعذرونا شباب بس هذي هي الحقيقه بس والله لا تهمي بتسمعي مني كل الي قلتيه صح يعني في ناس الله يسامحهم ويهديهم بس هم اقليه بالمقارنه في الناس المثقفين والفاهمين وانا ما اقول الا الله يعينك ويساعدك على محنتك بس اهم شي اوبه تروح البحر لا هنا ما اظمن شي ههههههههههههههههه

تحياتي عبدو ربل

[samira]

شكرا اخي على طلتك الرقيقه في مشكلتي ..
والله اني خايفه .. من امس عيني ماغمضت
اني حاسه انها مسئولية كبيره
اخواتي واخواني يعتبرها عادي طالما انها بتلبس مقرمه على راسها
وتلبس العبايه يقولون مافي شي ..
اخي ايش تقصد بالبحر مش فاهمه..
انا هنا طلبت مساعدتكم باعطائي تصور كامل عن المشاكل اللي ممكن تحصل.. انا بستفيد منها لمعالجة اي مشكله..
اعذروني فانا غائبه عن البلد من 94م ومش عارفة التغيرات ..
جزاكم الله خيرا

[دانجرو]

بس الله الرحمن الرحيم

البحر ههههههههههههههههههه
ههههههههههههههههههههههههههههههههههه
لا ما تاخذيش على بالك ما دام بتلبس عبائه ومقرمه خلاص مدرستي اجت كانها رايحه السينما في امريكا ههههههههههههه

تسلمي اتكلي على الله ما بيحصلش حاجه بيحصل كل خير المشكله انا مش في اليمن والله با ساعدك والله اعطيك رقم اهلي هم فري بيرتاحوا معاها
ههههههههههههههههههههه
ظالعين لابنهم

تحياتي عبدو ربل

[abadface.]

أنا من زمان كان نفسي أشتغل مرشد سياحي
بعدين أنا العنجليزي حقي حلوة أوي

[samira]

هي درست عربي يعني تتكلم عربي مكسر تعرف تخارج نفسها
هذه البلد فيها مدرسة تعلمك اللغه العربيه وفيها كمان قسم لدراسة
الرقص الشرقي ..

[دانجرو]

بسم الله الرحمن الرحيم

كيف كيف كيف كيف ؟؟؟؟؟؟؟؟؟؟؟؟

مدرسه عربي مع رقص شرقي يا حلاوه مدام يدرسوا عربي يدرسوا معاه قران والله انتي
امسكي قسم القران الكريم في المدرسه او ما دام يقرا عربي حطي كتب دين في المكتبه سوي اي شي اتحركي اتلح لحي ايش وفرحانه وتقوليها بكل فرح وسعاده رقص شرقي لا حول ولا قوه
الا بالله الحاجه الوحيده الي الاجانب يتعلموها مننا هي الرقص الشرقي غيره والله مافي؟؟؟؟؟؟؟؟؟؟

المهم اختي مدام يعرفوا عربي اقل شي حطي بعض كتب دينيه في المكتبه الاجانب مزاجيين والله يمكن يقراو مش يمكن اكيد بيقراو وانتي تحصلي لك اجر من هنا او من هنا سبحان الله
انك لا تهدي من احببت ولكن الله يهدي من يشاء .........

تحياتي عبدو ربل

[samira]

ليش تتسرع ..
في الجامع في كتب دينية و تعاليم الصلاة
نحن بدورنا المسلمين و المسلمات نوضح
لهم ماقاله الله سبحانه و تعالى و ماقاله رسول الله عليه افضل الصلاة والسلام..
منهم من يستمع لك ..
منهم من يحاول جرك اليهم وطبعا الضعفاء ينجرفو
بعضهم يحاول يتعرف على تقاليدك ولا يتطرق الى الدين
انت عليك ان تعرفهم ان الاسلام دين السلام

وانت وقوة ايمانك تستطيع ان تجعلهم يحترموا دينك و يحترموك
وان ربنا ساعدك كثيرين اسلموا بس ما اظهروا اسلامهم
اما الرقص في المدرسه موجود فصل لتعليم الرقص
المشكله مش فيهم المشكله بالعربيات اللي يعلموهن ..

[دانجرو]

بسم الله الرحمن الرحيم

انا اسف اختي ومشكور على التوضيخ انا استعجلت فار دمي لمن سمعت رقص

اما العربيات الي يهزوا بيهزوا احسن لمن يكون حقهم المسرح من جمر ايش من هزوز بيهززو


مره ثانيه اختي اسف


تحياتي دانجرو

[القلب الكبير]

ههههههههههههههههههههههههه


المسامحة بس والله سالفة تضحك

واكيد لي رجعة للموضوع