هذه القصيده اهداء الى قائد الحرس الجمهوري - قائد القوت الخاصه العقيد الركن (احمد علي عبدالله صالح )
ابو عسر قال انطلق يا مرسلي وقت الحمس
بارسلك بابيات وانته شلها بالأحتراس
وزفها للهيم والخيال ذي فوق الفرس
ذي بالشجاعه والشطاره دائماً نال الحمس
للجيد والمقدام ذي للدرس مامثله درس
ولا مثيله في اليمن راسه يوازن كل راس
نجل الأسد والفهد ذي من سيرة الأب التمس
لحمد علي عبد الله المقدام مرفوع المقاس
سلام له مني تحية عد ما دق الجرس
سلام صادق حل في قلبي وفي كل الحواس
سلام لك يا احمد علي يا قايد اغمار الحرس
يا خير قايد قد تعنا في البنايه والأساس
يا رمز مخلص قد بذل جهده وفي جهده مرس
الى العلا ونعم بقايد عبقري شاجع لماس
لحمد علي مني تحيه عد ما الكوكب عكس
وعد ما سيله نزل وسقا المخضر واليباس
يا خير من شفته بحب المعنويه قد غرس
منها شجاعه في قلوب الجيش كله بافتراس
فعلاً تعنا واجتهد واتقن ودرب في الحصص
تدريب شامل كل جندي داري ايش الأختصاص
حماكم الله يا حماة الشعب من كل النجس
وكل خاين بايشوف الويل مادمتو شراس
وحنا معاكم طول يافندم لبكره والغلس
نحمي وطنا ضد من حاول لنا بالأختلاس
نكافح الأرهاب لايمكن عنسمح للدنس
يمشو بتدمير الوطن هولا الخنازير الخساس
منحاول التخريب فعلاً بايرا ضيق النفس
وبايشوف الموت قاصف والبلا والأنتكاس
قلو لمن حاول يخون الشعب بس الحقد بس
لابد ما تلقا مصيرك بعد هذا الأبتخاس
الأمن ما يسمح لكل انسان في الشعب اختلس
لوهو مثيل الزير ولا عنترة وابو نواس
يعيش قايدنا علي هو ذي تعنا واحترس
وحط قانون الوفاء للشعب ناساً بعد ناس
وحمد علي مقدام مثل الأب قايس واقتبس
من والده طبعه طلع فعلاً ذهب صافي وماس
ابو عسر يرفع سلامه حسب ما الهاجس هجس
سلام صادق خصكم مني بدقه واختلاص
وشكر غالي من جهاتي خص من قاد الحرس
لحمد علي عبد الله المشهور له تقدير خاص
جباك يا فندم بهاجس قد تعنا والتمس
زين القوافي من ذهب لحمد علي ماهو نحاس
والختم باصلي عدد ما رتلو سورة عبس
على محمد خير مرسل جاء لناساً بعد ناس
Bookmarks