~¤©§][ كلمتين في عدة جمل][§©¤~

**توكي** · 27-09-2003, 02:36 PM

~¤©§][ كلمتين في عدة جمل][§©¤~

لو تسمحين ... إسمعي مني هالكلمتين

مو كلمتين هي

كلمتين بعدة جمل .. بها حياتي تكتمل

بس قبلها أبسألك سؤال واحد !!؟؟

يكفي عن عدة أسئلة .. مو مشكلة

مابي جواب بلمح البصر

أبنتظر

الزمن علمني الصبر

تعرفين معنى الحب ؟؟؟

بس لحظه ...قبل الجواب

إسمعي مني هالجمل

الحب ماهو بالأغاني أو الموسيقى الصاخبة … الحب رقة مشاعر والصاحب يحس بصاحبه

الحب ماهو بالجمـال أو مليونٍ في الحساب … الحب شـوق وتضحيه وعيشةٍ فوق السحاب

الحب ماهو لعبة مشاعر أو وناسه و مصلحه … الحب إخلاص و وفاء الحب عيونٍ تفضحه

الحب ماهو بالحروف أو بالكـلام الأبجدي … الحب يرفض ظروف إذا إبتدى ماينتهي

الحب جـراحٍ شافيه ما دام تحقيقـه مبـاح … الحب شمـعـة ضاويه ما راح تطفيها رياح

بعد ماعرفتي صدق الحب

أبهديلك من قلبي كلمتين

أتمنى يكون لها في قلبك محل

(أحبك موت )

سطرتها بكلمتين تغني عن عدة جمل

اتمنى تعجبكم

اخوكم توكي

**الحلياني** · 27-09-2003, 07:29 PM

جميله جدا جدا

فالحب اسماء من كلام يقراء ..

لك تحياتي اخي

**الوحيشي** · 28-09-2003, 06:29 AM

صراحة شيء راااااااااااااااااااااااااااائع جدا
ومشكور جدا على المشاركة الرهيبة ;)

**حنين** · 20-10-2003, 04:04 PM

وانا اتصفح ....الصفحات السابقة.......عجبتني هالكلمات.....حبيت اقولك انها ...حلوة...وتسلم.....

ااسمحلي ...الرد متأخر...بس هي عادة فيني ...أحب أتصفح أي كتاب أو مجلد من النهايه ...ما ادري ليش ...مو مشكله ..مو موضوعنا....المهم
اانها حلوة وتستاهل عليها الثناء

تحياتي

حنيـــــــــــــــن