هذه المساجله الشعريه بين الشاعر (( اياد بن بوبكر السليماني )) والشاعر الكبير
والمعروف (( علي بن محمد بن لحنف الحداد ))
والبدايه كانت من ابو شاخ :
قال الفتى بوشاخ يا رب البشر = نسم على حالي ويسر في العقود
ويا هاجسي الليله شعه طال السهر = وانا سهير الليل والأمه رقود
السيل جاكم طرقوا له في العبر = وترفعوا بين الحواجز والسدود
في منامي البارحه شفته انحدر = لا ساقيه خلى وكسر في القيود
وحنا زرعنا الطين بيام الخطر = والقابله المجنى على زربه وعود
يا غبن قلبي عالمنايح والبقر = والليم والمشمش وزينات النهود
حلوات وبكاهم كما رش المطر = والشنهجه بتقول حنحان الرعود
يبكين ذاك الوقت دي اول عبر = والخير متكاثر الا ريته يعود
في دفن عبدالله ودفنه بوبكر = دي كان زواره عريضات الزنود
ولا حبط دي فيه كله معتبر = ماحد يخون الملح ميثاق العهود
واليوم خانوا الملح يا قل البصر = كلين في اصله ومعناها يجود
قولوا لخو ناصر مكانه ما خسر = باقي على عهدي وكلمات الجدود
وانا حلالي حصن باقي ما اندثر = لنته نسيته قد نسيه بن عبود
مكريف شربي قال دي جده عمر = ولا كرع صافي مصفى في الحيود
قد حن قلبي حن لصوات السمر = ماحن فرق النوب من بعد الركود
يا بن محمد رد وصلح في الخبر = لا تعالج المارود بيدات الجنود
جنود سنحاني كما عسكر شبر = قد عالجوا الباكي بلطمات الخدود
هذا كلام العهد دي ولى ومر = والمقبله بتجيك من دون الشهود
ياما بقلبي من جبايات المقر = لا شيخهم خاشع ولا ضوعه سجود
والضمد بالصحراء وما الراعي حضر = والكلب ساد الغاب والثعلب يقود
اما النمر مهزوم والوعل انقبر = والذيب بايعوي على اشبال الاسود
والختم بالمختار ما رش المطر = وعداد ما صلوا وزادوا بالسجود
والى هنا ينتهي البدع والان مع الرد من الشاعر بن لحنف :
حيا رساله جاتنا من بن عمر = انا اشهد انه شخص من هل بو حمود
وجاتني في الليل وصلَحت السمر = وذهنت دي عندي من اصحابي رقود
عساك بعد اهلك تصبح مستقر = واصحابكم ساروا عسى كلن يعود
قالوا صلحت البيت دي ساسه حجر = والبيت دي باطن رحم لبنه وعود
ما حد يخلي بيت مصباح الدفر = وهلك لها الجوده واصحابك تجود
سليت بعض الناس وسليت المقر = كلين له حده ومن خلف الجدود
اياد بيغني كما يحيى عمر = عساه يتوفق بزينات الخدود
هذا جواب الخط يوم انته نمر = دي با يحل الواد يصبح من اسود
وحنا لحب الطول ما واحد قصر = والجبر والمعروف ماشي له حدود
باجيب لك محزاه ورجع لي خبر = با طلعك في حيد مطلاعه سنود
حرمه مع العربان في بحراً وبر = لاكن معدومه في ارض اليهود
لا قالها ملعون شهد واعتمر = كلمه لها تاريخ ما تبغى شهود
Bookmarks