السلام عليكم ورحمـه الله وبركاتـه
انشوده قطعت قلبي
ابغى رايكم ^^
كلمات الانشوده :-
سبحان ربي يبتلي الناس بالناس
يصبح مصير الشخص بيدين غيره
مانيب متعقد ولانيب حساس
وقلبي أبد مافيه حقدن وغيره
لكن ما شفته ترى يشيب الراس
شفت الاسى بعيون طفله صغيره
جتني كسيره ما قوت أخذ الأنفاس
بآخر رمق والحال ياهي كسيره
ضميتها لصدري والقلب محتاس
وحسيت فيها آثار قصه مريره
قلت اسكبي الدمعه على الخد لاباس
يمكن يريح الدمع لو نستثيره
قالت زماني قد حكمني بالأتعاس
ولّى علي انسان ضايع ضميره
كنت أحسبه طيب وقلبه من ألماس
وأثره شبيهن للوحوش السعيره
حبيته بكلّي حبن بلا قياس
وظنيتني فقلبه كنت الأميره
بعت أهلي وأصحابي وكل هالناس
من اجل عينه كنت دايم سهيره
خذ ما يبي مني وسواس خناس
كل شي بسم الحب وانا غريره
ظنيت يحشمني عن درب الانجاس
واثري بعينه كنت وحده حقيره
ليته ذبحني قبل مابالقدم داس
على البراءه في فؤاد الصغيره
قلت اسكتي يابنت يفداكِ هالراس
ويفداكِ هو وأهله وكل العشيره
لاتزعلي يا بنت !! ولايدخلك ياس
ربي عسى يعوضك بانسان غيره
يعشقك من قلبه ويغمرك بإحساس
ويقاسمك هالعمر شره وخيره
يفهمك ويداريك ويكون لك ساس
قلبه يكون العرش وانتي الأميره
يعشق ترابك وبيده يقدم الكاس
يروي ظماك وينفحك من عبيره
يسهر يناجي سحر لعيون الأنعاس
حيث اتجه انتي هدف خط سيره
V
V
Bookmarks