حشوش البنات ،،، تطورات رهيبة
بنت يافع (سمسم) ،عاشقه الانشاد (عشعش ) ،همسات المحبه ( هموسه )،
ملااااك (ملوكه) ، مـ الحب ـلاك (ملاكو)، حنـان (حنونه) ،مــزاين (مزونه) ،
نور العين (نوري) ، انجلينا (انجي) ، أســيل( اسوله) .
هذولا بنات خريجات نفس المدرسه وبعد ماتخرجوا ما صاروا يجتمعوا كثير الا بالصدف والمناسبات وكل فتره وفتره يتقابلوا .
انا هنا سجلت حواراتهم بكل اجتماع يجتمعوه هالبنات من ايام الدراسه لين ماعجزوا.
اولاً
{ايام الدراسه}
سمسم: بنات متى بتبداء الامتحانات وايش تجهيزاتكن لها ، نعم ذي السنه بيستوي صعب.
عشعش: انا الحمد لله مذاكره تماام بس الكيمياء مافهمتها خااالص ، بروح ادرس عند استاذه تفهمني ،، ايوه حتى اني سمعت انه ذي السنه صعب.
ملوكه: اني نص نص اصلا السنه من بدايتها صعبه ، الله يعيينا لو صعبوها بنودف.
هموسه: ياربي استر الرياضيات يابنات مش راضيه تدخل دماغي حاولت فيها بس مافي فايده ولا الباقي تمااام ، بس لازم استذكر كل شي من جديد قبل الامتحان... مزونه كنت اشتي اسألك ايش من معهد تدرسي فيه علشان اسجل عندكم؟
مزونه: المعهد الي ورا المدرسه يفهموا تماام اجزعي لي بكره وبنروح مع بعض وسجلي، حتى حنونه سجلت هناك بس اني ومدرسه العربي ولا نسد دائما تناقرني ايش اسوي لها النحو صعب مررره.
حنونه: ايوه وانتي الصادقه ، اصلاً شكلها مايشجع ههههههههه
البنات: ههههههههههههههههههههههههههههههههههه
حنونه: كمان سألت قالوا ولا صعب ولا شي ذي السنه زيها زي الي قبلها.
اسيل: الا قالوا صعب ذي السنه الخبر منتشر بكل المدارس ، انا مراجعه تماام ولا بقيت ماده قد راسي بينفجر، تصدقوا ساعات افكر اسيب المدرسه تعبتني كثير.
نور: ياحظكم كلكم مراجعات، انا ولاشي بس القران والاسلاميه ، كل مااقول اراجع تجيلي شغله ، ساعه يجو عندنا ضيوف، ساعه يصير معنا عرس ، ساعه امرض ، خلوها على الله بس.
ملاكو: حتى اني ولا مراجعه ماده كما الناس عامله كوكتيل من كل ماده شويه اصلا انا اكره المدرسين كلهم ، ولا واحد يفهم كما الناس يدخلوا يصايحوا لهم كلمتين ويحرجوا ، طفشوا بي.
انجلينا: ايش ذا مآآآآآلكم ، كل مانجتمع تفتحوا نفس السيره، ولا وحده منكم باركت لي على الجوال الجديييييد.!!!
ولما اجتمعوا بالاجازه الصيفيه و خلصوا مدرسه :-
ملاكو: كيفكم يا بنات وكيف اخباركم وايش عامله الدنيا معكم؟
همسات: الحمد لله لكم وحشه ساع البحر اخباري كويسه ، معي منحه دراسيه بكمل دراستي الجامعيه برا ..ياحظكم خلصتوا من ذا الهم دعواتكن لي.
سمسم: بنآآآآآت بآآآركوا لي.....انخطــــبت ، وكلكن معزومات على الخطوبه بعد اسبوع....
البنات: مبآآآآآآآرك يادبه ^^
سمسم: الله يبارك فيكم يلا طلعت احسن من حنان مادرينا بخطبتها الا بعد شهر.
حنان: سامحوني اصلاً استوى الكلام بسرعه وكنا مسافرين ماقدرت اتواصل معكم.
ملوكه: الله يعينكم ، عادكن صغار ليش مستعجلات عالزواج؟.
اسيل: ايوه صدق اني عادني اشتي اعيش حياتي من بعد الهم حق الدراسه ، لاحقين على الزواج.
انجلينا : يابنااات في واحد اتقدم لي بس محتاره اوافق ولا لا، لانه اشتي اكمل الدراسه ، بس امي تقول الزواج احسن .
عشعش: يابنتي نهايتك يتتزوجي ، اذا قد العريس تمام ، لاتضيعي الفرصه
ايش اخذنا من الدراسه غير زوجع القلب.
مزاين: يابنااات لاتنسوني، اي وحده معاها اخ او ابن عم تحوله لاعندي ههههههههههههههههه امزح اوبهو تصدقوا امي تقول عادني مجنونه لما اعقل بعدين يصير خير.
نور: ايش ذا مسرع كبرنا كنا زمان نجلس نحش على الدراسه والمدرسين الان على الزواج ووجع الراس.
بعد ماتزوجوا كلهم:-
ملوكه: يابناااات ،،ولا قدكم حريم هههههههه ياحريم اخيراً اجتمعنا ، من بعد عرس نور ولا عاد شفتكم ، ايش اخباركم، وايش جديدكم .
عشعش: انا الحمد لله تماام ماتغيرت زي مااني بس غيرنا السكن حقنا اني وزوجي ورحنا لبيت قريب من بيت اهلي ، بس باقي لنا التأثيث جالسه ادور على عفش حلو ولا خلينا سوق.
همسآت: اوووووه ياحريم ماقلت لكم على شهر العسل، رحنا فرنسا تجننننن ، بس زوجي الله يسامحه ، جلسنا اسبوعين وروحنا قال بيعوضني السفره الجآيه.
سمسم: اوووه ياحظك رحتي فرنسا ، نحنا رحنا دبي وبرضه اسبوعين ، بس صراحه ايام لاتنسى كله خرجات وتماشي ومطاعم ، كذا الزواج ولا بلاش ....ياحريم مادريتوا ان مزاين حامل.
البنات : بالمبآآآآآآآآآرك يادبه...مبروووووووك
مزاين: تسلموا ، حد مصدق ان مزاين المجنونه تزوجت وحملت وبتجيب جهال هههههه بس والله تعب الحمل متعبني كثييير ، قال زوجي اذا جبت ولد بيسميه على اسم ابوه ، ايش رايكم ..كنت اشتي اسمي عيال اسامي جديده بس قلت واذا بنت على اسم امي قال تماام.
ملاكو: لالا اني وزوجي متفقين ، انه مانسمي على امي وامه بس اني بسمي البنات وهو العيال ^^ ، بس بصرآحه بيتنا صغير لما ننتقل لبيت اكبر بنفكر بالجهال حالياً لا.
اسيل: اوووه يابنات ذكرتوني بشهر العسل ، الله على ايآم كلها دلع، الان الا اجلس ادور على انواع الطبخ والحلويات وكل ما اروح سوق اجلس ادور على كتب الطبخ اصلاً زوجي مايعجبه اكل المطاعم، مايعجبه الا طبيخي وبس.
انجلينا: ليش مش معاكم طباخ، انا من بعد ماحملت المره الاولى ومعي شغاله وطباخ لانه اتعب بسرعه، حريم مادريتوا..فتحوا محل اثاث جديد ، يجننننن ايش على تحف فيه لسه افتتحوه قبل اسبوع بس رهييييييييب.
حنان: بالله ، خلاص لما تروحي له اتصلي عليا بروح معك، اشتي اشتري تحف للمجلس حقي، اصلاً زوجي مايعجبه كثر الخرجات لانه مايفضى كثير ، كل وقته بالشغل.
نور: اوووه كم لي مااروح السوق ياحريم ، انتوا متى تلاقوا وقت فراغ، انا يلا اجزع يومي على طبيخ وتنظيف البيت وغسيل ، مايخلص اليوم الا وانا هلكانه ماعدت افضى لشي.
يتبع
والبقيه في الجزء الثاني
بنشوف البنات بعد مايخلفوا ولما يكبروا عيالهم ويزوجوهم وسوالفهم وهم عجاجيز
ترقبونا
تحيآآآاتي
بنت يافع
Bookmarks