@ النوع الاول:-
هو اللي يستغل وقته ويرتب سيارته ويفتح دروج السياره ويقطع في الفواتير ويرميها في الشارع وفجأه ما تدري الا وهو ناقز عالكرسي اللي ورى ولا تستغرب اذا شفته ناط في دبة السياره ( الريال مرتب ) وتنفتح الاشاره والاخ مشغول في التنظيف.
@ النوع الثاني:-
وهو اللي توه يكتشف ان ويهه محتاج تنظيف وتعديل ويسحب المنديل وعلى خشمه واذا خلص سكر السياره عشان ينظف اذنه بالمفتاح وشوي ويقص اظافر يده وما تدري الا وهو رافع ريله يقصقصها هذا اذا كان معاه مقص اظافر واذا مب معاه... فالحل موجود طبعا يقص اظافره بواسطة اسنانه (قمة النظافة)!!!!!!
@ النوع الثالث:-
وهو اكثر واحد يفرح اذا وقف عند الاشاره عشان يستعرض ويرقص هو وربيعه ويرقصون السياره معاهم.
@ النوع الرابع:-
وهو عكس اللي قبله وهو اللي يشغل شريط أغاني حزيييينه وانواع القلق والحزن والتفكير وطبعا الاغنيه من كثر ماهي حزينه وجديمه ويكون وجهه موّرم من الصياح وكثر الاحزان.
@ النوع الخامس:-
مايسمع اغاني وما تسمع غير هواشه وتلعينه على عياله وماتدري الا وهو ساحب العقال (اذا كان لابس جينز فيه حزام اقوى من العقال)
ومخرب الشخصيه (يستعمل اساليب التربيه الحديثه) ويفر عياله بقوطي كلينكس اللي في السياره والفضل يعود لبعض الكافتيريات لو تمر من عندهم عطوك قوطي كلينكس هديه.
@ النوع السادس:-
وهو اللي اذا شفته ترحمه وتقول ميت من الجوع وتشك انه يالس في مطعم مب في سياره... الريال ماسك الهمبرجر بيد والبيبسي والبطاط بيد والشاورما في حضنه والفطاير يمبه والبيتزا على الكرسي الي ورى.
@ النوع السابع:-
وهو اللي تحس انه ماعنده وقت بالمره ودايم انيق ولابس نظاره وخاتم ومبحلق في الجريده ومسوي زحمه في الشارع واللي عداله طفران ومشتغل مسجات بالموبايل.
@ النوع الثامن والاخير:-
وهو اللي سيارته زحمه مب ناس .. لااااا... هذا مب مخلي كندوره ولا غتره ولا نعال الله يكرمكم الا وحاطنه وياه فيالسياره عشان يكون تبديل الملابس اسرع عند الاشاره (استغلال لوقته الذهبي) حتى الحاف ماخذه معاه تعرفون الريال مشغووول طول يومه
Bookmarks