مصافحة ثانية لقلوبكم .. جديد مسعد الذيب بين يديكم.
مدخل: القصيدة هي افراز (نظرة شرعية) ، بعد ما شفت وامتلت عيني ألهمني الله وقلت في حلالي هذه الأبيات .. اتمنى تعجبكم.
عنوان القصيدة: ( الشِعر والشعور)
ليت شعري يوصف اللي في شعوري ** وليت ما في الصدر يطبع ع الورق
كان قد هانت علي معظم أموري ** واسترحت من التأوه والأرق
لو يسيل الحبر قطرة من شعوري ** صفحة الدفتر تشب و تحترق
لهفتي بركان من رأسه يثوري ** لوعتي براق في عيني برق
قلبي اللي ذاخره عن كل حوري ** يوم شافك طار من صدري وزرق
يا صباح الخير يا الغي الطهوري ** ارحم اللي في بحورك قد غرق
يا صباحك فل ريحانه وجوري ** يا شعاع الشمس من مشرق شرق
ما منعني يا وليفي عن حضوري ** غير خوفي من عيوني تسترق
حسنك اللي ناهب(ن) عقلي وشوري** انتزعني! ما ضرب بابي وطرق
يا بهيج الطبع يا فرحي وسروري ** أعذب من الغيث بل الين وارق
كافي يكفي اعترف مانا صبوري ** لأن ذاتك يعمل بكوني فرق
قوم! عجّل نبني الدنيا قصوري ** نبي العش السعيد ونتعد ما نفترق
Bookmarks