هل انت صريح او مجامل ؟؟
اهلين بشكة الانس ...
تصدقو هذا السؤال دائما اسألو نفسي ..لما يقعد يسألني المدير على حاجة مرة غلط ..وماتستحق اي كلمة ثناء ..وفجأة الاقي الكلمات طلعت من فمي : شيء جميل ...
واقعد طول النهار اتنكد لااني قلت كلمة من مو داخل نفسي ...
في مرة من المرات قعدت مع صاحبي في لحظة صفاء ...وقالي : بالله يافتوت ..انا انسان اناني ؟؟
ايش اقلكم الدنيا كلها لعبت في مخي ..صح هو اناني بس بنفس الوقت مرة حساس ..وهو سالني بالله ..مااقدر اجاملو ...فجاوبته انه فعلا فيه انانية ...ايش اقلكم الولد اتنكد وصار مايمشي معايا فترة ...ومهما اتكلمت معاه كدا احس اني خسرته بس علشان صارحته ....
من جد موضوع يقهر ..هل الانسان يكون صريح او مجامل ؟
المشكلة لو كان صريح صراحته تحوله الى انسان جلف مايعرف يتعامل (جلف : مايحس بمشاعر الاخرين )
و المشكلة لو صرت مجامل كل الناس راح تبتعد عنك لاانك تغلف الحقيقة وتكذب ...
فلو سألتكم ؟
هل انت انسان صريح او مجامل ؟ ولااي درجة
وهل تحب انو الناس تعاملك بنفس صراحتك او مجاملتك .؟
هو موضوع جريء وقوي لكن صدقوني يستحق
تحياتي لكم
Bookmarks