العقل بيت شيوخ والحلـم iiجاسـوس
للنفس يقطـع مـن تركهـا iiثوانـي
خذني وطلعنـي ولـو الهـوا iiكـوس
ابااتنفـس شي..صـافـي iiوهـانـي
داخل تصادم فكـر ومزاحـم iiنفـوس
علـى فتافيـت الغـوى iiوالغـوانـي
في هاللوبي كل شي ضايع iiومعكوس
ماكـن فـي هالكـون رب وامانـي
اثاثـه الغامـق وتصفيفـه الكـوس
تـدل علـى ذوق iiراقـي....ودانـي
شفهم وشف كيف الفشل يجعل iiالروس
اشيا....كماليـه مبـيـن الاذانــي
وشف كيف هذا ثمل ويعتثر ويـدوس
علـى مسمـى جــده iiالأولانــي
وشف كيف هالشايب برغبته iiمحبوس
تحت شعـار ان اخـر العمـر iiفانـي
احس عنده عيله......وبنت عـروس
تخجـل مـن ابوهـا كثيـر وتعانـي
وشف الاثنين هناك؟ ترهـم ii((جنوس..))
رجال بس رجـال مـن نـوع iiثانـي
ضحايا نفط وقـل طاعـه ونامـوس
والام كانـت طيـش والاب iiانـانـي
وشف هالجمال اللي مدثر iiومحيـوس
مثـل الكـلام اللـي بليـا iiمعـانـي
فتاة تعرض جسمها الغـض iiبفلـوس
ويبيعهـا فاليـوم عشريـن iiزانــي
كل الزوايا طافحـه قبـح iiونجـوس
تسبـح وفالركـن الاخيـر iiالموانـي
واحد يغني وعنـده حثالـة iiجلـوس
كـأن مافـي هالحيـاة الا iiاغـانـي
ياوخز قلبي وخزة الجـرح iiبالمـوس
ياعالـم(ن) مافيـه حلـم iiوتفـانـي
في هاللبي مافيه ريـس iiومريـوس
الكـل بايـع نفـس والكـل iiجانـي
والكل عنده عذر واهـي iiومـدروس
لو قلت ليه انت كـذا؟ قـال iiاعانـي
انا اللي اعاني من القـوس iiللقـوس
هذا مهـب جـوي ولاهـو بمكانـي
بركض وابي اركض معي الف iiفانوس
اللـي صباحـات الغـلا iiوالتهـانـي
روح معي والواقع احيـان iiكابـوس
وانـا ماحـط اللـوم علـى iiزمانـي
احمـد ربـي كـل مـا دق iiناقـوس
واعرف حدودي واستحي من iiكيانـي
وأصمت ليا جا للحكي روس وعسوس
واضحك ولو وجهي من البكي iiحانـي
لو كل شي محسوس ياخوك iiملموس
شليت اخـر جـرح بيـن iiالمحانـي
القصيده للشاعر القدير المرعب (سعدعلوش)
Bookmarks