على ذكر أبليس ، مرة قريت في كتاب أسمه " حوار صحافي مع جني مسلم" أنه ابليس معه عيال واحد منهم اسمه زلنبور ، و معه بنت كمان ، ومعه قصر في برمودا.
المعلومات دي حيرتنا ، يعني ابليس حب و تزوج و خلف (( لأنه مش معقول يكون تزوج زواج تقليدي لأنه ابليس أكيد ما فيش معه ام و أب و خالة تقولوا تزوج بنتي )) ، طيب تعرف على زوجته كيف ، وهل في شيطان و شيطانة يعني ذكر وأنثى ، طيب سوى عرس وزفة ودلا دلا ببلوس العن ابوها الفلوس و لا كده سكيتي ، وهل هاوز او تزوج وحدة ثانية ولا هو مخلص.
طيب عيالو دونا عايشين زينا ، هل زلنبور مثلا خلف له اباليس صغار يصيحوا لابليس يا جدو ابيس ، طيب كيف بيصرفوا عيالو ، هل بيستغلوا علاقتهم بابوهم عشان يمشوا امورهم مع الشياطين ، هل مروا بفترة مراهقة و يا ابا ليش انا شيطان و اشتي اسافر عطارد رحلة مع الجماعة بجهنم و كانوا يشجعوا ريال شيطنونة و من دي الهدرة.
طيب قصرو ده الي ببرمودا كيفو ، ، يعني هو معه غرف زينا وديش و ميلودي شياطين و كده ، ومرتو تقلوا نشتي نسوي طابق فوق منشان نزوج العيال ، طيب القصر حقه ملك و لا ابليس اجى و معه طقم و بنالو فوق اي مكان ، طيب هو لما يخرج معو سيارات و حراسة وكده و لا يخرج طياري ولا ايش.
عموما موضوع جميل و مستني الجواب من صاحبه الي كالعادة بكرة بيجي و بيفك موضوع ثاني.
تحياتي لكم
Bookmarks