ثلاث كلمات و ما ادري كيف ركبت براسي
البداية مع الكهرباء
طبعاً ولله الحمد الحديده مشهوره بانها حمام ساونا طبيعي على مدار 10 شهور والباقي تصفية المدينة بشوية ريح وغبار .
والايام هذي ما شاء الله الكهرباء تشتي تاخذ موقف من الحمى والحر وفهي تعمل على جعل الساونا اكثر فعاليه بالانطفاآت المستمره والمتواليه طول اليوم فمن جرعة الصبح الى جرعة الظهر الى جرعة المغرب الى جرعة ما بعد منتصف الليل وشل ( ولا علاج الملاريا يستخدم له كرس مثل هذا )
المهم قدر الله علينا اليوم وطفوا الكهرباء الساعة 9:30 صباحاً وهات يا دعاوي على اللي فصل التيار ( بيكون رجل المستحيل اذا ما مات ) قمت من النوم ( عشان اليوم جمعة الارياني ) وأخذت دش ساخن ( ناقص سكر وقليل شاهي ويالله ) خرجت بعد 5 دقائق ولبست ملابسي ووين تروح ووين تروح شل حالك الى اقرب محل نت وهات يا دردشه ومشاء الله الفلبينيين الظاهر ان عندهم الكهرباء مثلنا عشان كذا محتلين الشات من الصبح .
دخلت المحل وصاحبنا حضرمي نمبر 1 مطفي المكيف وفاتح ابواب المحل قلت يالله مروحه ولا الحر بالبيت .
بعدها ولأنه على شارع رئيسي إلا وصوت الموتورات ررررررررووووو رررررررررروووووووووو ما يوقفش جلست ووجهت عيوني للشارع اعد الموتورات لمحت عيني رقم على الموتور 12559 يعني رقم هذا الموتور وتذكرت مقاله باحدى الصحف مفادها ان الحديده تمتلك 30000 دراجه ناريه .
يعني ايش ننافس كراتشي الباكستانيه لانه كل الشعب هناك معه موتور .
المهم هذه حال الحديده ويا ويل من يشتي ينزل للحديده اذا كان مستغني عن جلده ينزل ويشوف وبالذات الظهر وقت ما يشوف الواحد نجوم اللليل في عز الظهر .
ما اشتيش اخوفكم من الحديده بس الحديده مظلومه
لا كهرباء ولا راحه ولا هدوء
Bookmarks