السلام عليكم
نخش في الموضوع دغري لا لف ولادوران
هذا واللي يسلمكم واحد من إخوياي نوا إنه يفتح له مشروع قام أبو الشباب وجمعنا على رصيف من الارصفه يبغا ياخذ راينا في المشروع حقه
قال خوينا راعي المشروع<= = = = نسميه الكونكورد
يا شباب أنا ناوي أفتح لي مشروع وأبغا رايكم في المشروع اللي أبغا أسويه.
قال اللقلق( واحد مننا ابو نظارات ) <= = = = نسميه اللقلق علشان سيقانه وحلقه طواااااال
يا أخوي وش لك بالقلق والمشاريع خلك مستريح بس
قالت أنا أصغرهم<= = = = يسموني سراب:
طيب يا أخوي كم راس مالك؟؟
قال اللقلق:
إنكتم أنت توك صغير
قلت أنا:
يا أخوي وش دخلك ما كلمتك يا الطويل
قال الكونكورد:
راس مالي 125 ألف ريال.
قلت أنا:
حلوووووووووووووووو عندي لك مشروع يدبل لك راس مالك خلال شهر!!
قال الكونكورد:
يرحم أمك قلي وش مشروعك؟؟
قلت أنا:
بعدين أعلمك ذا العله معنا أقصد اللقلق
قال الكونكورد:
قول الحين الله يرحم والدينك
قال اللقلق:
قول يا اللي ما نيب قايل لا تنكب الرجال
دخل خوينا بنفس اللحظه .. نسميه ====== شمروخ معه فورد طلقه يسابق الريح
وقال : ياسراب لاتأخرنا قلنا وش مشروعك نبغى نروح نتعشى بسرعه
قلت : حسبي الله عليك وعلى بطنك يالماشي
قال الكونكورد : هو المشروع خطير لهذه الدرجه
الاخ الكونكورد خاف حسب ان المشروع بيكون مرقص خخخخخخخ
قلت: لايخوي حط بكرشتك بطيخه شتوي وأنثبر
المهم
نعود لمحور حديثنا
الكونكورد :يرحم أمك قول لي وش مشروعك؟؟؟؟
قلت أنا: ملـــــزم ؟؟
قال الكونكورد:
إيه ملزم بسرعه قول
قلت أنا:
شوف حبيب قلبي المشروع ذا ما هو خذني جيتك
يعني مشروع مكسبه مظمون ميه الميه وداير هالايام
قال الكونكورد:
طيب وش المشروع؟
دخل شمروخ في هذه اللحظه دخله بطاله ومسكني من ثوبي
وقال : قول والا والله العضيم أسدحك على ذا الرصيف وأحسب ربي ما خلقك ؟؟
أفااااااااااااااااااا شمروخ عصب
المهم اللقلق وشمروخ واصله حدهم قدهم بيتفجرون
وأخير آ نطقت
مشروعي يا شباب
مقهى انترنت
==============
كل شي تمام والمشروع ماشي على مايرام
بس اللي وقفنا عنده شي واحد
الا وهو
أسم المقهى ؟؟؟؟؟
يالله جاء دوركم وكل واحد يقول وش نسمي المقهى
وكل واحد وذوقه مانبي أسم من العصور الوسطى
Bookmarks