ياالله ياعالي على الخلق مـن فـوق = ياواحد(ن) لوهو فنا الخلـق باقـي
بامرك يكون اللي تريده ولا يعـوق = ولاردة شـئ ماتعـسـر وعـاقـي
من البحر تسوق غر المـزن سـوق = ومنيـن ماتأمـره وجـه وساقـي
كونه بخار وسطـه المـى مرفـوق = ومن الرعد والبرق فيـه أصتفاقـي
ويسوق لارض(ن) برها دهر محروق = يحيي بها عود(ن) قفـاه أحتراقـي
واليا جلست بخايع(ن) فيه رقـروق = وصدع زبيديـه بقـاع(ن) رقاقـي
تجمع منه وتبيع زوده هل السـوق = ومنيـن ماتمشـي لطلعـه تلاقـي
ونوير عشبه صف ماهـو بمفـروق = تشهاه لـو منتـه براعـي نياقـي
ومن السهل لارحت يم الجبل فـوق = لقابـه الحميـض حلـو المـذاقـي
يارب غثنا غيـث ماهـو بمفهـوق = أرضك وغثها من اليمـن للعراقـي
ياصورة(ن) خلتني أبدا ء بطـاروق = صورة ربيـع(ن) مابقالـه بواقـي
Reply With Quote
Bookmarks