سلام
الأدوار:
نجم كريتر: المدرس
أمون: المديرة
الطلاب:
المالك الحزين
يمني2
مجاهد
الأمير الصنعاني2
سويت
بادفيس
أحلى بنوتة
دلع
الكومبارس:
الشمس الأخيرة
هيا بنا لنبدأ..........
الأستاذ ( نجم كريتر ): هيا يا طلاب بطلوا كسل وانتبهوا لدرس اليوم, لأنه مهم جداً, وبيجي منه سؤالين في الإمتحان...
فجأة.... دق الباب شخص
الأستاذ ( نجم كريتر ): ادخل
طلع المالك الحزين
الأستاذ: مالك يا المالك الحزين ليش تتأخر؟
المالك: سامحني يا أستاذ نجم بس كنت سهران أذاكر دروسي.
الأستاذ نجم: كذاب......... كنت سهران على النت.
المالك الحزين: أيش دراك يا أستاذ!؟
الأستاذ نجم: هيا ادخل وأوقف بالركن وقفي للجدار وارفع يدك الى فوق.
المالك: آخر مرة يا أستاذ ..
الأستاذ نجم: اسمع الكلام ولا باجي بردعك.
بعد قليل.. دخلت المديرة ( أمون )
الأستاذ نجم: تفضلي يا ست
أمون: شكراً يا أستاذ
أمون: شوفوا يا طلبة معنا لكم مسابقة لأفضل بحث علمي والفائز له جائزة..
المهم التفاصيل عند الأستاذ نجم..
خرجت المديرة أمون.
الأستاذ نجم: أشتي كل واحد منكم يفكر في موضوع حلو....تمام ولا بيقع........
مجاهد: معي فكرة يا........ قاطعه الأستاذ نجم
شوف يا مجاهد أنت والأمير الصنعاني2 بطلوا السرقة حقكم, اذا جبتوا لي بحث مسروق بعلقكم بالجدار..
يمني2: يا أستاذ معي بحث عن اللاعب ( تيري هنري ).
الأستاذ نجم: تعال يا بطل.. أوقف جنب المالك الحزين واطلع وانزل مئة مرة.. لما تبطل هنري حقك هذا...
سويت: معي بحث عن أزياء المرأة وأناقتها..
نجم: هذه المواضيع اعطيها مجلة حواء, ولا سيدتي...مش هنا
بادفيس: يا أستاذ أنا معي........... قاطعه الأستاذ نجم.
شوف اذا تكلمت عن الشعر با رميك من الطاقة..
سكت البادفيس..
الأستاذ نجم: أما أنتي يا دلع وأحلى بنوتة فالحين بس في أعياد الميلاد حقكم, أما الدراسة لا, ( وعادكم ما تعزموش أحد )
فجأة دق الباب..
نجم: أيش معانا اليوم احنا والباب هذا ...هيا ادخل
الشمس الأخيرة: يا أستاذ أني تلميذة جديدة عندكم..
الأستاذ نجم: بطلنا نستقبل تلاميذ جدد.. يالله توكلي من هنا
مسكينة راحت تبكي..
الأستاذ نجم: هيا يا مالك أنت ويمني2 ارجعوا مكانكم.. بس اعقلوا,,
الأستاذ نجم: معك موضوع يامالك.
المالك الحزين: مندري
ترقبوا الجزء الثاني المثير..
سلام
Bookmarks