ريم على الماسنجر

**عـــذابـــه** · 12-09-2003, 01:52 AM

عقب ما دخل حمد على ريم في المسنجر يلسوا تقريبا ربع ساعة ساكتين .. بعدين قررت ريم تبدأ بالكلام..
ريم : السلام عليكم ..
حمد : وعليكم السلام ..
ريم : اشحالك حمد؟؟
حمد : بخير الحمد لله..
قاطع رمسة ريم راعي الجيب اللي كان في الشات ..
راعي الجيب : هلا وغلا..
بنت العين : أهلين ..
راعي الجيب : اشحالج؟؟
بنت العين : يسرك الحال والله ..
راعي الجيب : الحمد لله
بنت العين : شو الدنيا وياك ؟؟
راعي الجيب : بخير والله وشو الدراسه وياج ؟
بنت العين : تمام ..
ويقاطع ريم حمد اللي كان ع المسنجر ..
حمد : شكج مشغووله..عيل بخليج
ريم : لا والله مب مشغوله ..
حمد : على العموم انا بخليج لأني بسير فيا اخوج حمد العزبه ..
ريم : شو بتسوون في العزبه؟؟
حمد : والله معزومين عند الشباب..
ريم : اها..
حمد : اوكيه ..مع السلامه
ريم : مع السلامه ..
عقب ما طلع حمد من المسنجر ردت ريم للشات ويلست تسولف فيا راعي الجيب و عقب ربع ساعه تقريبا طلعت ريم من النت .. وعقب سوت حق عذابي تلفون ..
ريم : هلا والله بالغاليه ..
عذابه : اهلين الغلا ..شعلومج ؟؟
ريم : علومي زينه .. اقووول عذابي عندي سؤال وابغيج اجاوبين عليه بصراحه..
عذابه : آمري..
ريم : شو رايج فياخويه غيث ؟؟
عذابه : شو؟؟ شوياب ها السؤال ع بالج الحين ؟؟
ريم : جاوبيني ..
عذابه : ………….
ريم : الله ع المستحى على العموم أنا عرفت الجواب ..
عذابه :اي جواب؟؟
ريم : بعدين بتعرفين ..
عذابه : متى يعني ؟؟
ريم : يا رب تعيينا على فضولج .. موتي حره ما بقولج ..
عذابه : برايج لا تقولين انا جيه ولا جيه بعرف السالفه ..
ريم : اها .. اوكيه عيل بخليج الحين ..
عذابه : ليش ؟؟
ريم : عندي شغل وابغي اخلصه ..
عذابه : اوكيه .. برايج
ريم : مع السلامه
عقب ما بندت ريم عن عذابي يلست تكتب واجباتها على الكمبيوتر و عقب ساعتين تقريبا سارت ريم حجرة اخوها غيث عسب تقوله عن عذابي ..

ريم : (( عقب ما دخلت الحجره )) ممكن ادخل ؟؟
غيث: عقب ما دخلتي تسألين..
ريم : شو قصدك يعني اطلع .. لا تستحي قولها ..
غيث : اطلعي ..
ريم : اوكيه انا بطلع .. بس بما انك طردتني من حجرتك ما بقولك شو قالت عذابي عن السالفه ..
غيث : شو ؟؟ افااااا يا ريمووووه .. عنبو ما تتحملين مصخره ..
ريم : على بالي بعد ..
غيث : ها شو قالتلج ؟
ريم : ما بقولك ..
غيث : و حياتج وغلاة الغالي عندج تقولين ..
ريم : اوكيه بقول على شرط .. تطلع لي رقم يديد ها شو قلت ؟
غيث : افااا بس رقم انت ما طلبتي شيء جان تبين بطلعلج رقم دوبلماسي ..
ريم : زيادة الخير خيرين ..
غيث : لا تصدقين عمرج وايد .. يالله قوليلي شو قالت عذابي ؟؟
ريم : من رمسها تقووول انها……….
غيث : انها شو تراج حرقتي اعصابي ..
ريم : موافقه
غيث: قولي والله انها وافقت ..
ريم : وحياتك..
غيث : باجر بقوول حق اميه تسير تخطبها لي ..
ريم : صبرعين من الله خير.. شو عايلنك؟؟
غيث : انزين .. باجر بقول حق اميه عسب تسويلهم تلفون وتقولهم اننا بنيهم يوم الخميس ..
ريم : اها ..زين .. هب تنسى الشرط..
غيث : افاا عليج باجر بييبلج اياه..
ريم : ما عليه .. بس ييبلي رقم فنان هب رقم منقع ..
غيث : افاا والله افااا ريم اختيه عندها رقم منقع ما يستوي ..
ريم : ربي لاعدمك يا الغالي ..
غيث : ان شاء الله .. تامرين على شيء أنا بسير البحر فيا حمد و بحاول افتح وياه موضوع عذابه ..
ريم : سلامتك .. بس مب الاحسن نخبرها هيه الأول ؟؟
غيث : ما عليه سويلها تلفون و قوليلها اننا بنيهم يوم الخميس ان شاء الله ..
ريم : انت تامر يالغالي .. باجر المغرب أول ما بنش من الرقاد بسويلها..
غيث : اوكيه عيل بخليج ..
ريم : الله يحفظك ..
أول ما طلع غيث من البيت سارت ريماني المطبخ عند امها عسب تساعدها عقب سارت الصاله عند ابوها ويلسوا يسولفون وفجأه يصيح تلفون البيت وتشله ريمووه الا حمد متصل ويقوول ان غيث في لمستشفى ..

**الوحيشي** · 12-09-2003, 03:08 AM

يا أخت أحب اللي يحبني :p... مافهمت قصدك من المشاركة

والعفو :D

**الامير** · 12-09-2003, 03:55 AM

والله وانا رأيي من رأيك يا شاجي

قرأت الموضوع عدة مرات ولا فهمت اش المقصود والمراد

قد يكون فهمنا قاصر

اذا احد فهم شي يفهنا لاننا حيرانين

ولكم كل الفضل

**الافـhorizonـق©** · 12-09-2003, 04:12 AM

الله يهديك ياعذابه قريت الموضوع اربع مرات ولا فهمت شي

اقول ياعذابه انا جيت هنا قلت اني ارتحت من عذاب عذابه ومواضيعها اللي مره يمين ومره شمال بس الظاهر مافي فايده عذابه راح تلحقنا لو طلعنا المريخ

على العموم انا قريت الموضوع اربع مرات ولا فهمته اللي بيقراه وبيفهم منه شي يقولي

**عـــــــادلــــ** · 12-09-2003, 04:48 AM

وين اهل الإمارات خليهم يترجموا الكلام

**عـــذابـــه** · 13-09-2003, 01:17 AM

ماكو مشكله انشاء الله بالمشاركات القادمه

المشرف العام كلامك جاسي بس اذا مضايجك وجودي بالملتقى قلي ولا رح اسيب الملتقى ابدا :D:D
ونا قول وش خلاك تسيب الدار اتريها عذابه :p

**الامير** · 13-09-2003, 01:48 AM

عذابه بس ماقلتي لنا اش السالفه

اش الموضوع احنا حايرين

**رهوان** · 13-09-2003, 02:07 AM

كاتب الرسالة الأصلية : عـــذابـــه
ماكو مشكله انشاء الله بالمشاركات القادمه

المشرف العام كلامك جاسي بس اذا مضايجك وجودي بالملتقى قلي ولا رح اسيب الملتقى ابدا :D:D
ونا قول وش خلاك تسيب الدار اتريها عذابه :p

يعني يفتهم لك يامشرفنا

على قلبك

:D:D:D

**رهوان** · 13-09-2003, 02:07 AM

كاتب الرسالة الأصلية : عـــذابـــه
ماكو مشكله انشاء الله بالمشاركات القادمه

المشرف العام كلامك جاسي بس اذا مضايجك وجودي بالملتقى قلي ولا رح اسيب الملتقى ابدا :D:D
ونا قول وش خلاك تسيب الدار اتريها عذابه :p

يعني يفتهم لك يامشرفنا

على قلبك

:D:D:D

هلا والله بعذابه وين ماحلت

**الافـhorizonـق©** · 13-09-2003, 02:45 AM

رهوان ماشاء الله عليك تحب النكبات لا وفرحان وميت ضحك .
ياخي بارد على قلبي هم شي ان اعضاء الملتقى يكونوا مرتاحين

**رهوان** · 13-09-2003, 03:03 AM

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

نكبات

ليه عذابه نكبه

نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

:D

**سمرقند** · 16-09-2003, 04:15 AM

هههههههههههههههه...رهوان صحيح انك تحب النكبااااات...

وبعدين ايش اللى تفهمووووة ...هذا حال واحدة فى ماسنجر .... واااااااااااااااا
امممممممممممم....

واللة يعلم.......
كملى الباقى اخت عذابة.....: نقره لتكبير أو تصغير الصورة ونقرتين لعرض الصورة في صفحة مستقلة بحجمها الطبيعي

مشكوووووووووووورة