هذهـ قصيده جميله للشاعر القطري
محمد بن فطيس المري
الله يجازي من يسوي سواتك
وبذنوب من سوى سواتك يجازيك
مشيت درب الثقل وتحب ذاتك
ما تدري انه للمهالك يوديك
وغرك جمالك يا خسارة حلاتك
ما تدري ان ما غير طبعك يحليك
بتقول زينك يشفع لسيئاتك
الحسن ما هو عن وفاء الحب يعفيك
لو التواضع والوفاء من سماتك
بعت الحبايب كلهم دين واشريك
لكن عجـــــزت اغيرك يا جرأتك
على الغياب اللي بلا عـــذر ينجيك
خطاي في توضيح وش هي غلاتك
وخطاك في توضيح وش هو تغليك
وشلون توصيني وتنسى وصاتك
و تصد عن صوتٍ تقطع يناديك
ما فاتك التجريح والعذر فاتــــــــك
وتبغي رضاي الحين ما عاد يمديك
صحيح احبـــــــك بس هذي جزاتك
بعلمك درسٍ يفيدك ويحييــــــك
تدري وش ابيض من خفوقـــــــــك عباتـــــــــــك
وتدري وش اللي غرني نظرتي فيــــــــــك
ادري بتستغرب تصبر وجاتــــــــــــك
قصيدةٍ من واحدٍ كان يبغيــــــــــك
تبي تناظر وانت عايش مماتك
شف وحدتك والناس تجلس حواليك
وتبغي تشوف اشجع رجل في حياتــــــــك
شفني وانا مقفي على كثر ما اغليك
حبيت انقلها لكم لعلها تنال استحسانكم
تحياتي
:|
Bookmarks