قلت لها كأنك ديجافو....... قالت لي ولا عمري جاميفو
قلت لها طيب كوما سافا...... ضحكت وقالت كوما تاليفو ...
شكلي باكون أكتب شعر بالفرنسي خلاص ...
و شكلو كده … لازم ننزل موضوع على كلمة " علماء" زي كلمة مثقفين …
منو دونا الي اثبتوا علميا و ايش ده الكلام .. و ايش من باراسيكلوجيا و علماء يا عيون عربية... جيبي لي جامعة وحدة بس تدرس الباراسيكلوجيا بعدين تكلمي عليه انه علم… المفروض انكم كبار هنا و ما فيناش من ده الكلام عاد …
حتى كلام علماء النفس (( الي قدام مش ورا)) شكلو كده من تأليف واحد مخزن ولا في عالم نفس يقول كده ولا حاجة، الي فيبو رغبة لتكرار الماضي بيشتري مركبات ولا بيكتب رسالة لبنت الجيران مش بيشوف حاجة ويقول كأني شفته.
بعدين مالك يا عمو عادل ، كيف يعني يشوف حياته و من هذا المنطلق يتم محاسبته !!! طيب لو كل اعمالي اصلا مكتوبة عليا فبأي منطلق سأحاسب ؟؟؟ كلامك فيه شيء من كلام القدرية !!! عموما انسى الكاستات طالما وقدو في فلاشات من ابو تيرا بايت دي الأيام و مالك من كلام العلماء "لو قدو كده" !!!
لو مر عليكم ده الخبر من قبل ، بتعرفوا أنه سبب شعوركم أنه ما حصل هو توقعكم للحدث ، بمعنى أنه الحدث سيكون عاما و مكررا و بين ناس مألوفين،و دي الأمور تحدث عقل كل واحد من باب التوقع ، تماما زي لما الواحد يهرب من السيارة ولا يدني من الحجرة ، ولا يعرف انه بيوم عيد ميلادو حد بيتصل به، بس لإن المواضيع دي اما قصير زمنيا أو طويل زمنيا فما يلحقش الواحد يفكر عاد أنه كأنه مر عليه زي الأمور التي بتنظبط زمنيا بحيث نتعجب من معرفتنا بها.
ولا تنسوش ... احلى الرؤى و اجمل الحواس السادسات هي المتواجدة في عقول علماء الفيزياء و التي صاغت لكم قوانين عشان تعرفوا الي حصل و الي بيحصل.
بلاش تحطوا خيالاتكم وتصوارتكم كأنها حقيقة، و اياكم من خبط المي بالصليت !!!
Bookmarks