ابيك

[محمود العمري]

دامك تبيني قلت بالصدق انا ابيك
واطرح حياتي تحت امرك ويمناك
واذا ضاقت الدنيا بروحي اواسيك
يا بعد عمري روحي اليوم تفداك
لاجيت انام اصحى وصوتي يناديك
اتخيل عيونك وبسمه محياك
مااحلاك لو تزعل وانا اجي واراضيك
حبك اسرني ونفسي اليوم القاك
تدري وش معنى الهوى في معانيك
انك تعذبني وانا حيل اهواك
وتدري لو ما جيت والله لاجيك
ولو غبت مهما غبت والله مانساك
ادري بان الحب بغيت معاليك
يا صاحب الاحساس والطيب شواك
جنيت لما كنت اسمع مغانيك
وصوتك المرهف تخلد بذكراك
كتبت عنك شعر بغيت اجازيك
مبلى بحبك وانت بالحب مااقساك
حبي لك طاهر بدون تشكيك
حبا ظهر كالنجم يسطع بعلياك
اسامر اصحابي وانا شاردا فيك
مااجمل الايام لو كنت واياك
ياخل انا عاشق حاضر وماضيك
يسلمك ربي والشر ماجاك
غالي ولا بالكون شي يساويك]
وانت الوحيد اللى على العين مرساك

[شهد الامارات]

صرااحه شعر ولا اروع مشكوووور اخوي الغالي على طرح الابياات الجميله.....

ونتمنى نشووف الاجمل والاجمل منك داامك شااعرنا الرائع ......

تسلم ايدك وااااااااااايد ويعطيك ربي العافيه لتوااصل مسيرة الشعر الجميل الرائع.......

دمت لمن تحب..............بنت زااااااااااايد دلع

[محمود العمري]

اتمنى القي من احب واوصف حبنا بمعلقه خااااااااااااااااصه تقراء مدى الحياه ولكن يا دلع الحب الصادق اصبح نادر هالايام والاغلب وجوه مقنعه وهذا اللى اقول كله خيال واسع لشي اسمه الحب

[شهد الامارات]

مشااء الله اذا كانت هذه كلهااا خيالات فمبالك بالحقيقه انت تصنعهااا.....

والحب ليس ناادر هذه الاياام بلعكس الحب غريزه في كل شخص ولاكن من لايعرف قيمة الحب لايعرف كيف يحب او يصنع الحب

الله يعطيك العافيه وتقبل مروري............دمت لمن احبوووك.....

[محمود العمري]

قالت دلع الحب اصلا غريزه
الحب اجمل من كلاما على البال
الحب يرسي على قواعد متينه
ويعيش طول العمر حاضر باجلال
الحب من الماضي وايام سيده
مبني على الاخلاص وصدق الاقوال
الحب يا بنت الاجاويد شيمه
حبا قوي مبني على صدق وافعال
والله اني يادلع عشت حيره
ابحث عن محبوب في كل الاحوال
والحب مايعطي الين حبيبه
الحب يعطي حيث القلب ميال