هذه القصيدة في صنعاء قلتها ... وآمل أن تحوز اعجابكم ... وانا المفروض ما اعرض مثل
هذه القصيدة لكن سامحوني ... مدري وعدت من ..؟ اني اعرضها المهم استروا ما واجهتم ..
اخوكم ابو راكان ...
مرت سحـــابه فوق صنعا مطيــــره=تنثر على ذاك البلد كل ماها
واحتن في قلبي طواري كثيــــــــــــــره=دنيا توريني طرف من حلاها
ايام كان النا حبــايب وديــــــــــــــــــره=يا مسرع الأيام تبدي جفاها
واش سبب الهــــجران ياعز جيـــــــره=نفسي عليكم قد لحقها شقاها
لا شفــــــــت لي واحد وعنده عشــيره=تاصل بي الأشواق لا منتهاها
العش والأفراخ راحـــــــــــوا نثيـــــره=والصقر يسحب في جناحه وراها
داري خلت منهم وسارت قفيـــــــــــره=صوت الفرح والضحك ماعاد جاها
لامن جلست بمجلسي بالظهيــــــــــــره=واغمضت عيني لاجل تلقى هناها
يطري علي اصوات لعب الصغــــــيره=وافز انا مرعوب واسمع بكاها
واليا تذكرت الشعر والظفـــــــــــــيره=واوراقها والوانها اللي معاها
ابكي واناديها ورى الباب حيره=ومره تناديني وانا اسمع نداها
لو يكتب المجروح مافي ضميره=ما تلحق اقلام البشر في مداها
مرت علي ايام سودا عسيره=لكن ضعاف الناس غير اقوياها
عيني بصيره بس يدي قصيره=وان جيت اعدلها كسرنا عصاها
Bookmarks