السلام عليكم ورحمة الله
دوب واحد ما اعرفه والله ... قلي على المسنجر اليوم عيد الأم ..
بالرغم من إني ما اعترف بالاعياد المصطنعة ... ولكن في قصيدة نزلت لي ... اول ما شاركت بالمنتدى ...
وهي عن الأم .... واكيد حنين تعرفها ....
واحببت ان اعيدها لكم .... مشاركة مني ... عسى ان تنال إعجابكم ... خصوصاً من لم يسمعوها آنفاً ..
ودمتم
يا قلبي المتعوب فيك الذمة=هذا نصيبك لا تدور غيره
ظامي وماي البير ينضح جمه=والحلم واضح من عرف تفسيره
عندي حبيبة غالية ومهمة=واشري رضاها لو غلا تسعيره
الثم قدمها ياعرب واضمه=واغرقه بالدمع والتعبيره
ودي بعمري لو توقف ثمه=واموت تحت اقدامها ما اشيره
أدرى عليها من رفيف النسمة=وافرش لها خدي بكل مسيره
بالرغم من هذا مهي مهتمه=ما بادلتني حب والا سيره
غيري تضمه يا عرب وتشمه=وتقدره قدراً صعب تصويره
يالله طلبتك يا مزيل الغمه=حنن عليا قلبها وتنيره
عيني تهل دموعها يايمه=والقلب شريانه يتل ازفيره
من جفوتك يمه تخثر دمه=يكاد يتوقف منه تمريره
سالك بمن يحيي العظام الرمه=واللي جعل حبك علي شعيره
ترضي على اللي معه اغرق كمه=قدام سلك الموت يفتر سيره
وسلامتكم
اخوكم
ابو راكان
Bookmarks