أحبك مشكلة أكره وجودك مشكلة أكبر =أبيعك و اشتري بك حزن لى غادرت يتمنّاك
مصيبة ما قدرت أحجز لها صفحة على دفتر=و عشت أغزل لها ثوب الهوى بالحلم و الإدراك
وش اللي جابنا نرسم بقايا عمرنا أسمر=و ودّاني الى زلّة كبيرة مثل ما ودّاك
صحيح احتجت لك ما هو مثل أوّل و بس . . أكثر=و أحيانا أموت من العطش و اردى و لا اشرب ماك
لو أدري إن الوله ذبلان ما يقوى على خنجر=تركت الريح يجرف حبنا و يغادر الشبّاك
شقى جيت أرفعه عنّك . . غفلني طاح و تكسّر=عسى كثر الشظايا لا تكون أقسى على يمناك
بقدر اللي بقى لك من غلا و بقدر ما قد مر=متى حنيّتك توفي بواحد % من ذاك
خريطة حلم بين خطوطها حط المساء و اقمر=ونا خانتني السكة و لا ودّتني لنشواك
أقول الحظ بين الورد و النجمات و المرمر=أرتّب كل شيء و يروح من بالي جنون شفاك
إذا قصّرت آسف ما اعتقد غلطتي تتكرر=يغيبون البشر من خاطري إلاّ أنت ما أنساك
أنا اللي عشت حافي ما علي إن كنت تتشطّر=و إن كان الحلا عذرك حبيبي جلّ من سوّاك
أحس إنك علي محضور صعب النيل و مشفّر=و لكن للأسف أنت فـ دماغي طارحك و ابغاك
على شأن الهوى حاول تبيّض خطّك الأحمر=و تفتح باب للي من صميم القلب يا أبيض جاك
http://www.abyat.com/poet.php?id=1087
أخوكم / الوضّاح / عزيز النفس
Bookmarks