.::|| صِـــبـــا}~.. ضيفــتـنـا لهذا الأسبوع ||::.

[صبا]

هههههههههههههههههههههههههه
ممكن اغير شروط لموضوع بس عشانك

يعني اخلي بدل السته اسئله عشره
وخذي راحتك حتى بمددلك اسبوعين بدل الاسبوع شهر لو تحبي ولو كم صبا معنا

شفتي كم احبك

حبتش العافية :$
وايش ورانا
خليه إن شاء الله سنه
وقد ما تسألوني انا بعبر عن مشاعري

ههههههههههههههههههههه
بفضحك قليل

مره كانت صبا المسكينه لحالها بالبيت ومامعها الى بنت يافع بالمسن
وكان لازم تطبخ الدجاج
جت تستشيرني كيف اسويها
طبعًا انا احب اسوي خير قلت اكسب فيها ثواب
جلست ساعه اشرح لها كيف تسوي وايش تعمل واوصف لها شكل البهارات والوانه
وجبت لها طريقه تحوج فيه الدجاج من غير ماتلمسه بيدها
المهم
تكسرت اصابعي وانا اشرح لها بكل ضمير
وتجي اليوم الثاني اسألها كيف صار طعم الدجاج
قالت بكل برود: ماعملتها

تخيلوا حرقه الاعصاب بس :@

يشيخه هذاك اليوم حتى البكاء بكيت << أول مره ابكي ع شئ سخيف زي البنات خخخ
بس والله مش دلع ولا شئ
لكن ررررررررررررعب
لو مسكت اي حاجه نيه بيدي .. أو حطيت فيها السكين من بعيد من غير ما امسكها .. اتخيل انها حيه .. وارميه بعيد


احم احم


هههههههههههههههه
طيب انا مش جديه بس في موضوع مره كلمتك فيه المسن تراكنت فيه جديه مره مره
وامووله شاهده وللان عند كلمتي


وانا عند كلمتي
ليش هو احنا بنلعب ؟؟
كلام رقاله


(توضيح للي بالاحمر بليز ^^)

هههههه
يعني في المواضيع اللي تتكلم عن الحريم ومدري ايش
تجلسي تقولي نحن حقت لبس وكشخه ومطبخ
وتتفاخري بأننا حقت طبخ
وانه لازم الحرمة تصير طيوبه وحبوبه وتسمع كلام الرجال حتى لو بيوصلها للقبر
و أنا أكره النظره الإنهزامية هذه في كثير من الحريم
<< ع فكرة انا اكره كلمة " حرمة " كمان :d



س- 1
ابغى اعرف حكايه الفيري الان ؟


هههههههههههههه كل ما احد يقول قدامي " فيري " يجيني الضحك
كان يوم خرافي عشناه أنا وحنان
بس والله ما بقدر أقولك
لأنه في اشخاص ممكن يمروا من هنا ويقرأوا ويفهموا الموضوع حتى لو حطيته بطلاسم
بس القصه اننا انا وحنان تصرفنا تصرف برئ جداً
ونتج عنه انه صارت فضيحتنا بجلاجل يومها خخخخ



على حكايه فاصله الريوس
اقولكم بصراحه صبا دووم اشوفها عاقله وتمزح بحدود
بس مره كنا نكلم اختنا بالله بالمسن واضافت الاخت المهاجره وطلعت
وكنا انا وصبا والمهاجره اول مره نتعرف عليها فاصلااات عالاخر
اول مره اشوف صبا فاصله ^_^

هههه لا تذكريني بهذاك اليوم
شكلنا كنا فاطرين فول ومسطلين ع الآخر
بس[/right]

................................

[صبا]

:p:p


اوووكيه ..رجعت بكم سؤال ...<< اقوولش فاضيه =) ...

1- حطي اربع اسامي اعضاااء واعطي كل منهم نصيحه ...~

شادي الوحيشي اولاً :d
انت شخص رآئع .. بتعجبني نظرتك للأمور .. وبتعجبني جداً قدرتك في الإدارة
وكنت دائما اقول الملتقى ما بيعيش إلا لما يكون شادي واقف ع رأس الهرم
لكن صارت بتشوهك نظرتك الحادة اللي بتنظر فيها للملتقى .. ونظرة الأستخفاف اللي بتنظر فيها لعامة الأعضاء
لا تستخف بكلامي لو كنت رح تقرأه اصلا .. لكن عن جد هذه النظرة افقدت الوحيشي وهجه هنا ..
إذا كان الملتقى ما عاد بيناسب خلفيتك الثقافية .. والأعضاء ما بيرتقوا لمستواك الفكري .. تقدر تتركه ..
ويفضل لنا منك صورتك اللي بنعرفها من اول ما دخلنا لهنا (:


فارس محمد :d:d
خفف من مبالغتك في المجاملة لأنها بتأثر ع مصداقيتك
احنا من كثر ما تمدح فينا وتكبر رؤوسنا
صرنا كل ما نشوفك تثني ع احد نقول الدكتور فارس مجامل درجة أولى


مس جيجي love:
طبعا شهادتي فيها مجروحه لأنها صديقة عزيزة
لكني بتمنى منها بس انها توثق بنفسها وتتكل على قناعاتها في اي قرار رح تتخذه .. خاصة في موضوع إشرافها العام
هذه بتكون فرصة لكِ عشان تظهر جيجي بصورة أكبر
ويظهر الملتقى حسب رؤية جيجي .. مش حسب ما يرى لها الآخرين


العضو س
انت كاتب رآآآآئع جداً .. وشخصية إجتماعية مرموقه
واعتقد انك لم تصل إلى مجدك إلى بعد سيل من المعوقات
فلا تفسد هذا كله بتصرفات صبيانية .. نعلم جميعاً انها لا تمثل شخصاً بمكانك


2-لو اعطيتش طياره خاصه الحين ...وين بتسافري وليه ؟

اسبانيا ..
اتمنى اسافر اسبانيا ..
واشوف بقايا حضارة الاندلس اللي تركناها هناك
واللي بإذن الله بترجع بيوم من الأيام


3- هديه عزيزه على قلبش وللحين محتفظه فيهاا // ومن قدمها لش؟

عندي دولاب خاص بالهدايا والذكريات
كل الهدايا بحتفظ فيها
واحيانا حتى بتركها زي ماهي وما بفتحها
بس اعتقد اغلى قديمة عندي حالياً هي طقم ذهب جاب لي هو هدية اخويا الله يرحمه في مناسبة عيد


4-عضوو خاطرش تقربي منه اكثر..او تعرفي عنه اكثر..
امممم بصراحة .. محد


5- ايش اكثر شئ تحبيه ف امــل << اختش يعني =) ...~
صفة الإيثار اللي عندها ..
واللي صار نادراً تلاقيها بأي احد
اللي عندها مو لها
وبتقدمنا ع نفسها دائما


6-اكله معينه ومشروب معين انتي مشهوره فيهم..<< انا مشهوره بالخوخ =) وانتي ؟؟

المكرونة بالباشميل لأني فنانه فيها
و ورق العنب لأنها الأكله المفضله عندي

7-من اقرب لك ( الوالد والا الوالده ) ؟؟ وكيف علاقتش فيهم ..؟؟

الوالد
احبه كثييييييييييييييييير .. واعتبرة نعمة كبيره من رب العالمين


بالنسبة لعلاقتي فيهم ..
ابويا يحبني .. واعطاني مساحة من الحرية يمكن ما بيسمح فيها طبيعة قبيلتنا المغلقة
لكن الحمدلله .. كان دائما بيشجعني في اي خطوة .. وبيثق كثيير في عقلي
وهو يمكن اللي اعطاني مزيد من الثقة بنفسي

اما امي .. تحبني أكثر شئ ما بين اخواتي << واخواتي يكرهوني احيانا بسبب هالشئ .. اسألوا امل خخخ :p



8- هل هناك شخص ندمتي على صداقتك ؟

ما فهمت السؤال
أنا ندمت ع صداقة شخص ؟؟؟؟ .. لا ما اعتقد
بس انه في شخص ندم ع صداقتي ؟؟؟ .. يمكن كثير

9- هل تعتبري نفسك بنت كويسه ؟؟

أنا اكوس بنت عرفتها بحياتي
مدري والله
كويسه من اي ناحيه طيب ؟؟؟
انتوا تشوفوني كويسه ؟

10- رايش بالاعضااء الكرام ..بصراحه .. =)...

ياذولاء الاعضاء
انجي عجبتها الحركة .. شافتني المره اسهبت في التعبير عن مشاعري ..
دحين بتصف لي اسماء الأعضاء كلهم .. وانا بتهور


ذويزن الجنوب

إهتماماته سياسه ورياضة غالبا
وانا لا احب لا ذا ولا ذا خخخ
بس يعجبني جدااااً كشخص
اقصد تعجبني شخصيته جداً

ابوعماد

ابو عماد مدري ايش يبا من الحياة خخخ
يعني احيانا يحاول ينسق الكلام ويتحذلق ويدهن سير
وفجأه تلاقي يجب يشجب ويستنكر ويلطم خخخخ


صمام

صمام ع قوله اصحاب عدن يحب يتاحف << مدري ايش يعني يتاحف
بس انه يكتب ردود ابو كلمتين .. ما تعرفي ايش قصده .. وتتضطر دائما تبحثي عن المعنى بين السطور
وبعد بحث مضني دائما تكتشف انه المعنى في ما يعرفه صمام نفسه


خارج النص

بإختصار
رآآآآآآآآآآآآآآآآآآآآآآآآآئع
كاتب رآئع جداً .. عضو رآآآئع .. مشرف رآآآآآئع .. وشخصية جداً رآئع
اللي ما احبه فيه المظهر المتزمت الجامد اللي يحب يظهر نفسه فيه .. بس

مداح القمر

تقريباً مالي اي علاقه فيه
بس اعتقد انه متطرف في كل شئ
متطرف في المزح .. ومتطرف في الجد

الحميقاني الانجلش

بسيييييييييييط جداً .. وطييييب مرررره
مسالم .. واللي بتطلبيه منه بيعمله
لكنه دائما بيمشي مع التيار ..
يعني ولا مره شفت له رأيي مستقل
وكمان ولا مره شفته يدافع عن قناعه بيلتزمها

انجلينا..

ما اعرف عنها اشياء كثير .. وما كان لي اي تواصل معاها إلا في مسابقة رمضان
بس اعتقد انه من الشخصيات المريحه جداً في التعامل
بتعطي كل واحد ع قد ما بيحتاجه
وبتتعامل مع المواقف بعقلانية .. وشئ من الهزل .. وبتوازن أكثر
بإختصار ... ارتاح لها كثير .. واحبها love:

وووبس..~

love: اذا كثير عليش لاتجاوبي..~

انتي لو تحطي مئة سؤال اجاوب لك عليهم وانا مغمضه .. كم انجي معانا احنا love:

[صبا]

السلام وبما انني جديد على هذا الملتقى إلا انني ألتمست روح اخويه كبيره بين الأعضاء

ويبدو ان الأخت صبا تحظى بشعبية كبيرة بين اعضاء الملتقى ولذلك احب اسألك


وعليكم السلام و الرحمة

1. اذكري لي اسماء اقرب خمس - او اقل - عضوات عرفتيهم في المنتدى واسماء خمسة - او اقل - من الاعضاء <<< لا تقولي توريطة

تقصد معرفه شخصية ؟؟
العضوات : اختكم في الله .. جيجي .. سالي .. همسات المحبة ومس ترو سابقاً
الأعضاء : تقريباً سامح ومجاهد بس

2. يبدو انك صاحبة شخصية إنفعالية جداً * هل صار وحصل انك بكيتي يوم بسبب مشكلة في المنتدى او لأجل عضوه من المنتدى؟

بكيت ؟؟
لا
بس عصبت وانفعلت ..
ايه كثير
تجربتي الأولى في الإدارة كنا بنعيش ايام توتر وضغط نفسي
لدرجة اننا كنا والله بننام وبنحلم في الملتقى واعضاءه خخخخ

3. وهذا السؤال المتعلق بي * ما رأيك باسمي " قعموص " ؟

ما فهمت ايش المعنى والله ؟؟ ?:

وبما انني جديد على هذا الملتقى إلا انني ألتمست روح اخويه كبيره بين الأعضاء

ما اعرف ليش عندي شك في الجملة اللي فوق :d
إحتمال كبير شكي ما يكون بمحله
لكن اعضاء الملتقى دائما بيكونوا مميزين
وحتى لو تركوا الملتقى .. ورجعوا بمعرفات تانيه بنعرفهم .. لأنه بتظهر شخصياتهم .. وبيظهر انه هذا المعرف مو غريب ع الملتقى

عموماً حياك الله اخ قعموص .. وسعيدين بتواجدك ما بيننا
سواء كنت عضو جديد
أو عضو قديم وراجع بمعرف ثاني ..

واعتذر على إسائتي لو كان شكي مو بمحله .. وانت مو مضطر تبرر ابداً (:

[بنت يــآفــع]

اصحاب عدن يقولوا للنمله قعموص

صبا عنوني متى مابغيتي اختاري العضو الي بيكون بعدش ونسكر هنا ^^

بس بليز نبغى وجه جديد للاستضافه تمامو

[صبا]

زين بجاوب ع باقي الأسئلة وبقفل الموضوع ورايا


انا بختار العضو اللي بعدي عشان يمدي تتواصلي معاها



بختار امممممم


















مقصقص ( افيروس سابقاً ) :d

[خارج النص]

متابع لكل الجمال المنسدل في هذه الصفحات .. ولي إعجاب خاص أسجله هنا اعترافاَ بهذا القلم المميز الذي تملكه أنامل الـ(صبا) .
استغرب فقط مزاجيتها التي تكون طاغية في أحيان كثيرة على صوت قناعتها وتؤثر كثيراً في إيصال مرادها ..
ومع هذا تبقى صبا واحدة من أروع من احتضنهم هذا الملتقى على امتداد تاريخ وجوده .

[الهاشمية]

ايش خلاص ...قفلتوا

[فارس محمد]

زين بجاوب ع باقي الأسئلة وبقفل الموضوع ورايا


انا بختار العضو اللي بعدي عشان يمدي تتواصلي معاها



بختار امممممم


















مقصقص ( افيروس سابقاً ) :d

رهيبه يارفيقة الدرب ...

أختيار موفق من أجل نقصص مقصص ......

يازعيمه مافيش طلب له .... لازم يكون أمر أستدعاء معمد من مجلس الأمن وبصحبة الأنتربول والقوات الخاصه

خالص الود

[بنت يــآفــع]

ههههههههههههههههههههه
مستر مقصقص جاهز للاستضافه

بس صبا ذي نشبه جالسه بضيافتنا ولا خلصت

حبيبتي صبا

[صبا]

يا بنت يافع سكري الموضوع ونزليه من التثبيت

لأنه وربي مشغووووله .. ويآلله لو حصلت وقت بيكون للدعم الفني

لو تحبي تبدأي مع افيروس

وانا بجاوب ع باقي الأسئله متى ما لقيت وقت

[صبا]

back :d

آسفه والله ع تأخري في الردود .. بس جد كنت مشغوله

يألله حصلنا وقت في الويك اند

المهم نكمل

رجعت (: ..

يا هلا والله

- ما هو الحلم الذي تتمني ان يتحقق ؟


ان اكون انفع للآخرين
وان اصل إلى مرحلة من العلم اكون فيها قادرة على ان اعطي أكثر بكثير مما اخذ
يآآرب

- إلى أين تلجيء عند حزنك ؟

بالتأكيد بلجأ إلى من لا ينقطع منه رجاء أحد

وبعد كذا اما بلجأ لمخذتي .. أو لمدونتي << مسودات مدونتي فيها بلاوي .. لو تهكرت بتكون مثل ويكليكس

- من هو الشخص الذي يرسم الابتسامة على وجهك عند تذكره ؟

ذكرياتي مع صحباتي عامة ..وخاصة مع صديقة عمري " أروى "
لما بذكر ايام المدرسة .. وأستهبالنا ..
كمان هبقاتنا ايام الجامعة .. بس اتذكر بعض الأشياء ابتسم .. واحيانا اجلس اضحك بصوت .. مثل قصة الفيري اللي مع حنان ما كانت تنتسي هههههه
كمان لما تجي ع بالي بعض ذكرياتنا مع اخوي الله يرحمه

- تحبي الأطفال ؟ وليه ؟

احب اللعب معاهم .. اجن معاهم
واجاريهم في كل شئ

بس ما احب اربي . لبسي هذا .. مشطي لهذه .. وعععععععع

ولا لما احد يبكي .. بلطشه كفين وبخليه قاعد في الركن :@

- كل واحد فينا له يوم مفضل في الأسبوع .. يومك المفضل ولييش ؟

الخميس .. إجازة :d

- اذكري صفة سيئة أخذتيها من والدك ؟ وصفة حلوة كمآن ؟

الصفة السيئة هي اني بسمح للآخرين بإستغلالي .. وعن رضى
عشان كذا ياما تنصب عليا في مواضيع شغل
بس دائما يكون دافعي اني احب اساعد واخدم الاخرين .. وبعد كذا الاقي انه حقي كله ضايع
واعتقد انه هذه الصفه بسبب جينات وراثية :s

يمكن هذه صفة سيئة لاني ابالغ فيها احيانا

لكنها من جانب تاني صفه حلوه
بان اشعر باني لن احصل ع قيمتي الا في ما اقدمه للاخرين وبلا اي مقابل

- اذكري لي اسم شخص بكاءك بالملتقى وكمان قولي سبب المشكلة ؟

ليش متخيلين اني بنت خخخخ
انا ما ابكي ع اي شئ


اوكي ممكن اعصب وانفعل .. واحيانا يتعكر مزاجي كله بسبب موضوع في الملتقى

لكن بكاء ما اعتقد

ممكن اقرأ موضوع واتأثر فيه .. مثل الكثير من مواضيع نورس

بس بكاء ع مشكله شخصية ما سبق وحصل معايا

love:



........................

[صبا]

ما رأيك بالنساء اللاتي يتأثرن بآراء أزواجهنّ ومذاهبهم الدينية والسياسية والفكرية وإن كنّ على حق ؟


هههههه ذكرتيني بخاتمة كتاب النسيان لأحلام
ختمت كتابها قائلة : "امضيت اشهر .. وانا اكتب هذا الكتاب .. واعطي النساء " روشته علاجيه " ومصل للنسيان ..
وبمجرد ان يقول الرجل لإحداهن هاااي .. تقول لي باي .. حلوا عني !!!! "
بعض النظر عن من يدفعنا دفعاً إلى اقصى اليمين .. نحو التبعية المطلقة .. بدعوى " القوامة "
وعن اولئك الذين يذهبون بنا إلى اقصى اليسار .. صوب الإبتذال

اعتقد انه مسألة نفسية بالدرجة الاولى .. وليست قاعدة بالأمكان تعميمها
في علم الفيزياء هناك شئ اسمه " مؤثر " وشئ آخر " متأثر " بنوع من القوى :d
وكل زادت قوة احدى الطرفين كان هو " مؤثراً " وكان الآخر " متأثراً "
اعتقد انه هذه القاعده هي التي بالأمكان تعميمها
كل ما زادت قوة القناعات التي يحملها احدى الطرفين .. كلما كان هو المؤثر للطرف الآخر .. رجلاً كان ام امرآة



لو كان بيدك إتخاذ قرار سياسي واحد فقط وسيتم إنفاذه ، ماذا سيكون ؟

ان يخصص لميزانية التعليم في العالم العربي أكثر مما يخصص للتسليح :d

لو كان لديك الفرصة لإلقاء خطبة واحدة سيستمع لها العالم أجمع ، عن ماذا ستكون ؟

اللهم .. إنّا ارواح تائهه .. تبحث عنك في كل شيء
نصدق كل من تكلم باسمك .. زورا .. حبا فيك لاندري .. لم نك ندري
انهم قد تعمدوا تحجيم حبك .. سهوا
اللهم .. إنا نسألك الهداية إنا ندرك أنّا في ظلال
لا دال لنا .. لا طموح لا خيال لا رجال
...اللهم اكشف ابصارنا .. ارنا الحق حقا .. وارزقنا اتباعه
والباطل باطلا وارزقنا اجتنابه
ووحد قلوب البشر تحت راية واحدة .. ولو لمرة واحدة .. منذ قيام مملكة الانسان

كلمات لرياض اليافعي

اعتقد انها ستكون خاتمة للخطبة

هل تغفرين لي تقصيري مؤخراً ؟

لا :d

...................