الجزءالثاني من موقف محرج ****

[مس جيجي]

ايش دي المواقف

ماحصلت معي سابقا و لكن في حال حصلت بقله بكل برود عطيتك الفلوس لو قال لأ بقله عد فلوسك و شوف..
بيقلي لا ماعطيتيني بقله بالله عليك شكلي شكل وحدة بتجي تشل مانجو بدون ماتدفع؟؟ يعني عاد انت بعقلك ولا كيف؟
هو بيشوفني واقفة و سيارتي مفتوح الباب منتظرة بيقول طبعا مستحيل البرستيج دة كله يكذب

و بيعطيني الباقي و بمشي لأني ساعتها بكون واثقة اني عطيته الخمسمائة

تحياتي

[ملاااك]

ايش دي المواقف

ماحصلت معي سابقا و لكن في حال حصلت بقله بكل برود عطيتك الفلوس لو قال لأ بقله عد فلوسك و شوف..
بيقلي لا ماعطيتيني بقله بالله عليك شكلي شكل وحدة بتجي تشل مانجو بدون ماتدفع؟؟ يعني عاد انت بعقلك ولا كيف؟
هو بيشوفني واقفة و سيارتي مفتوح الباب منتظرة بيقول طبعا مستحيل البرستيج دة كله يكذب

و بيعطيني الباقي و بمشي لأني ساعتها بكون واثقة اني عطيته الخمسمائة

تحياتي

هههههههههههههه
ايه شفتي على مواقف يامس لو اجا
وانتي اصلا بلا سياره شو بتسوي وما صدقك
ولا عاد حدتيها ب 500 ايش قد ارتفعت الاسعار ولا كيف المانجو قده 500 اي واحد يماني ولا ديكو
الله يعيطك العافيه

[الإكـلـيـل]

هو بيشوفني واقفة و سيارتي مفتوح الباب منتظرة بيقول طبعا مستحيل البرستيج دة كله يكذب

لا إذا كان معك سيارة هذا شيء آخر.. لأنه اول ما يشوف السيارة يقول مستحيل هذي تشتي تغالطني..

المشكلة الي يروح بتكس أو بباص.. وما عنده لا نظارة، ولا كرفتة ولا شي..

[الرادع]

طبعا هذا الموقف يصير لنا كثيير مره صار لي عند صاحب البليله الي في التحرير .......... لكن تخورجت منه


طبعا لو صار لي موقف مثل كذا ..... بما ان المبلغ خمس مئه ......
اعتقد اني بسال لو واحد من الزبائن الي في المحل شافني وانا ادفع له المبلغ ...... واذا محد شافني
بقوله طيب شوف في جيبك ...... واقوله مواصفات الخمس مئه الي اعطيتها له ..... واذا طلع معه خمس مئات كثير
بحلف له يمين اني جبتها له ....... واذا حلف يمين هو اني ما جبتها له

يبدا العرق اليهودي يشتغل ..... اقوله طيب مدري وين هي يمكن ضيعتها ... خمس دقائق اروح اجيب فلوس من السياره ... بيقول لي لا اطرح العصير اول ....... اقول له السياره جنب الباب هنا في الفه اليمين على طول

بما اني متاكد اني اعطيته الفلوس خلاص اخذ العصير واهرب
وما عليا منه




موقف محرج .... تخيل انك يوم ... في مول كبير .. نقول سام مول مثلا
واشتريت برتقال ..... خمسه كيلو
وانت ماشي اقتطع عليك الكيس ..... وانتشر البرتقال في ارجاء المحل .....
لكن المشكله ان اكثر البرتقال دخل قسم ملابس النساء ودخل تحت البالطوهات وتحت الطاوله
والمحل مليااااان نسوان ..... والمحاسبه الي في المحل هنديه ما تفهم الا كلمتين بكم هذا كم باقي فلوس
وفيه معاكم ضيوف منتضرين البرتقال عند باب المحل ...... وعمك جالس معهم لو ما جبت برتقال بيرتكب فيك جريمه

ايش تعمل
صار لي الموقف هذا انا ........ جمعت ما قدرت اجمعه من البرتقال ورجعت اشتريت ثاني من فلوسي انا