جيـت اقـول كلمـه صريحـه قلتهـا بـكـل العـبـر
كـل مـن حـب البشـر حبـوه لـو كـان الضريـر
مـن رأى شــر البلـيـه باليـمـن قــاس الخـبـر
وســط اوطـانـي بلـيـه مالـهـا خـــارج نـظـيـر
كـل مـن جـاور يمنـا قـد وصـل سـطـح القـمـر
واليـمـن شفـتـه مقـيـد بالـوسـط كـنــه بـعـيـر
يارئيسي شوف ناظـر لا تكـون معمـي البصـر
العـمـى للقـلـب لا قـسـت اقتـصـادي بالجـويـر
اليـمـن فيـهـا مــوارد لـكـن افـحـص بالـنـظـر
كــل وارد نــا مشـتـت بـيـن قـايـد او مـشـيـر
كيف بسعد وسط ارضي واقتصادي فـي خطـر
كـل مـن عيـد بكبـشـه واليـمـن عـيـده شعـيـر
اليـمـن كـانـت سعـيـده لا تــرى فيـهـا ضــرر
هـل تعـود تلـك السعـاده قبـل ان ناكـل حصيـر
عملتـي ضاعـت بليلـه يـا رئيسـي مــا الخـبـر
هـل سببهـا مـا نشاهـد مـن حروبـات او نفيـر
نفسي القى لو سبب لي واقنـع اهلـي والاسـر
ما سبب وضـع التـردي ياعلـي وانـت الخبيـر
حولـك اكبـر مــا رأيـنـا مــن حنـاجـر للبـشـر
بالعـه خـيـرات ارضــي كنـهـم فــي زمهـريـر
يـا رئيـس احكـم وحـاكـم كــل مفـسـد بالمـقـر
نـقـي الارض السعـيـده خلـهـا تـسـعـد كـثـيـر
انـت حاكـم وانـت آمــر بــس نـاظـر بالبـصـر
اعـرف اسبـاب التـردي خلـي اصغـرنـا امـيـر
انـت معنـي بالقضيـه مـن حكـم قـاس الخـطـر
اعرف اسباب الخطوره وابدل اوضاع السرير
اليمـن كانـت وكانـت واصبـحـت داخــل حـفـر
خوفتي لامسي مهاجـر داخـل الصومـال اجيـر
مــا يفـيـد كـنـا وكـانـوا قــد رجعـنـا كالـغـجـر
مــا يفيـدنـا قــول كـنـا والـوزيـر كـنـه اسـيـر
والخليـجـي لــو رأنــا قــال يـــا واحـــد نـفــر
كننـي هنـدي مجوسـي راعــي ابـلـه بالغـديـر
كـلـه اسـبـاب اقتـصـادي مــا تـرفـع او سـبـر
وضعنـا لـو قـد تحسـن بـا يقولـوا يــا جـويـر
اليمـن مهـجـة فــؤادي حـتـى لــو فيـهـا كــدر
بـس شفـنـي بالتفـائـل والامــل صـابـر كثـيـر
واسئـل الله ان يجلـي مـا بارضـي مـن ضجـر
يبـدل ارضــي بالسـعـاده ربـنـا عـالـم بصـيـر
والصـلاه ترفـع لطـه خيـر مـن قـال او حـظـر
كـل مـن يـقـراء يصـلـي للنـبـي طــه البشـيـر
Bookmarks