بسم الله الرحمن الرحيم
السلام عليكم ..
اليوم كان علي الغدى وصحيت متأخر بسبب المكيف مسوي بالغرفه جو للنوم ماتقدروا تصحوا 10 ايام منه .. .. ههه المهم ماعرفت ايش اسوي غدى قلت اسهل شي البرياني وافتك من مطبخ اليوم وارجع اكمل النوم عادني كنت بطلع لحم من الفريزر .. بس متى بيذوب؟؟ الحمدلله لقيت الشغاله مطلعه الدجاج وتقطعه لي << الصراحه انا ماحب اقطع دجاج ابدا ولا اللحم
سهلتها اكثر للعزابيه بالصور .. لان بعضهم مايعرفوش من الطماط و البصل :| يلا شمرو ايدكم وجهزوا المقادير .. (:
المقادير :
بصل * طماط حبوب * ثوم مدقوق * بهارات (هنديه يفضل) * مكعب ماجي * ملح* ليم ناشف او ليم صاحي * هيل و قرفه * وقرن فلفل نقسمه نصين * الوان طعام اصفر و احمر * قطع دجاج و زيت. ( تضاف المقادير حسب عدد الافراد لان اللي سويته حق وليمه كان عندنا ضيوف ).
انا هنا فورت البطاطا وفورت البيض .. عشان التزيين
طبعاً نبدأ نكشن البصل بالزيت شوي لين مايذبل ونحط وراه الثوم والطماط و الحواج .. مع قطع الدجاج ونحركهم ونخليه لمدة ساعه الا ربع يتكشن و ييصير له رائحه لذيذه ويشمها اهل البيت كله وتلصق بالملابس يعني تدخنوا نفسكم تمام ههه
طبعا نقدر نشوف الدجاج استوى ولالا وذلك يعتمد على حسب المقادير.. ^_^
فاصل ونواصل
عدنا ..
مثل ماحنا شايفين الاكل استوى .. انا حطيت البطاطا هنا عشان ياخذ نكهة الاكل و الحواج اللي فيه بعدين بقول لكم ايش بنسوي فيه هو والبيض .. ^_*
خليكم مواصلين ..
نطلع البطاط والدجاج .. في صحن عشان نحمسه في ناس ماتحب تحمسه كسوله تقدر تحط البطاط و الدجاج مقلب مع الرز يطلع طعمه برضه لزيز بس مش لزيز مثل ماهو محمس بالزيت ..^_*
ونغسل الرز تمام نخليه ينقع شوي بالماي.. بعدين نضيفه على الصانونه D: اقصد على الكشنه اللي سويناها مع مراعاة مقادير الرز و الماء المضاف فيه .. على مسؤليتكم لان اللي سويته انا 3 ونص قلاص رز .. عاد حقنا القلاص مش حيالله قلاص.. (كاس) من الحجم الكبير ماشالله ..
طبعا حمست بعدين الدجاج و البطاط و البيض المفور .. << السر اللي قلت لكم عليه هههه
بعد ما نشق على الرز .. نشوفه استوى ولا لا نضيف عليه الالوان الاكل الخاصه بالرز .. ونقلبه بهدوء ونضيف من فتره وفتره رشه رشه قليل فقط .. لين مانشوف لون الرز اصبح متقلب بالالوان الابيض والاصفر والاحمر ..
واللحين بقول لكم كيف ندخن الرز .. ^_*
مثل ماندخن الكباب ههه
نجيب فنجان صغير حق القهوه نحط فيه قشرة البصل الخارجيه .. و زيت قليل يغرق القشره ونولع فحمه .. وبعدين نضع الفحمه على القشره .. والزيت ونحطه داخل الدست ونكتم عليه .. لين بعد 10 دقايق بالكثير .. شموا ريحة الاكل بعدين رز مدخن على كيف كيفكم
اللحين السلطه على كيفكم تصلحوها .. ^_*
بس انا سويت فتوش والله لي فتره ما اكلتها ... فتوش عالسريع اعتقد تعرفون الوصفه حقه؟؟
بس على فكره انا ماحب احط فيه السِماق..
واذا تحبوا ترشو بصل ناشف عليها .. ومكسرات .. بيطلع الاكل مذاقه اروع وجمبه صحن روب .. (:
بالهناء والعافيه على قلبكم ... ان شالله يكون الموضوع عجبكم .. واي استفسار انا جاهزه
مع تحيات:-
بنت اليمن
Bookmarks