يـــــــــــا للأســـى ..!!..؟؟؟
يا للأسف ..
المعذره انا قصدت
يا للأســى
قلبه نسى..لكن عسى
يذكر حكايات المسا
أو يا عسى
ذاك الذي داخل خفوقي قد رسى
من عذب أنفاسي احتسى
من عطر أبياتي اكتسى
يـا للأســى
الوقت في عيني قسى
والشوق خلاّني ونسى
وبين التمنى ويا عسى
ضاعــت حكايات المسا
يا للأسى ..يا للنساء
واصبحت عازم لأعترف
يا للاسف..
ومن شفتها
قلبي بضلوعي ارتَجَفْ
عزمي تدارى وانكَسَفْ
واللي ابيِّت له سنين
الحين شفته انكَشَفْ
لوني انخطَفْ...
حرفي
تــ
لــ
ا
شــ
ــى
واخْتَلَفْ
ومن قبل اقول
يا للاسى
عيني أجت في عينها
كلَّمْتها
والصمت عنواني الأخير
ضاع الهدف..وأضحيت عرضه للتَّلَفْ
من قبل اقول
وانطق بكلمه
صاح قلبي وإعتَرَف
يا للأسف
ودِّي اقول
يصبِّحك بالخير يا بدر المسا
يا أحلى النسا
لكن عساها .. يا عسى
أحلى النسا
سمعت كلامي
قبل
تــ
تــ
ر
كــ
نــ
ــي
وتــروح
يا للأســف .
((( علي الحزمي ))))
Reply With Quote
Originally Posted by مجرد إنسان
Bookmarks