ياهاجسي ابدع وطلع لي الكيف
خليني اكتب ماطرى في فؤادي
ووصل سلامي للقلوب المواليف
اللي رضاها هو غاية مرادي
يامرحبا ترحيبة البدو للضيف
ترحيبةً في حضرها والبوادي
تاصل خصوصي للقلوب المواليف
اللي لها بالقلب خالص ودادي
تحية وفاء ماشابها اي تزييف
من قلب طيب مايحب العنادي
عبرالمدينه واتمررعلى الريف
توصل الى الطيب بكل انفرادي
ودي اقول الشعر من دون تكليف
لان الكلافه شي ماهو بعادي
هذي حقيقه مابها اي تصريف
لازم اقوله يابعد كل غادي
قلوبنا والله عليكم ملاهيف
ياملتقانا يالغلا اللي انادي
انادي بحبك وسط كل المضاريف
لاني عشقتك عشق ماهو ب عادي
ومهما تعبنا مانقول التحاسيف
لانك قريب بالقلب رغم البعادي
كل الاحبه فيك فيها التواصيف
احبها رغم العداء والعنادي
حبيت اقول الحق من دون تزييف
لااني انادي به بكل النوادي
ياعلني ماتركه لو في التكاليف
لانه تربع في الحشا في الفؤادي
وسلام يوصل رغم كل التاليف
اقولها في السهل وفي كل وادي
بلادي الحبيبه ياعزيزه على الضيف
ياللي انـــــا باسمك واهلك انادي
والله يوفقنا على كل تكليف
مكلفينن به من رب العبادي
Reply With Quote
Bookmarks