السلام عليكم
اعذروني لأني غلطت وخليت هذه القصة في هذه الواحة
(( هذه القصة باللغة العدنية ))..
اليكم هذه القصة الغريبة التي يقشعر لها البدن
القصه تقول ان هناك بنت تدرس في الثانويه واسمها (عبير ) مره راحت السوق مع امها
وقابلت شاب واخذت رقم تلفونه واتصلت عليه وتعرفت عليه وهو اسمه (خالد) تعرفوا علي بعض وزادت العلاقه بينهم ... كل واحد منهم يشتي يقابل الثاني وما لقوش أي طريقه وفجأه أجت فكره لخالد...
قال لعبير ايش ما نتقابل عند المدرسه ..
قالت عبير: كيف وضح؟
قال: اسمعي ابوك يروح كل يوم الشغل الصباح صح؟
قالت :صح ..
قال انا بجزعلك واركبي معي
قالت بس المديره بتكلم البيت
قال : افصلي التليفون وارتاحي
قالت: أنا خايفة
قال: جربي وبنشوف
المهم راح أبو عبير ووصل بنته للمدرسه ومشى .. وأجا خالد وركبت معه
عبير بسرعه..
روح خالد و عبير رجعت البيت وهي خايفه .. وكلمت خالد على طول وقالت ان
اهلها ما دروش وطمنته.. وقال خالد أيش رأيك اقابلك بكره
قالت :لالالا مش كل مره تسلم الجرة
قال: هذه المرة با جيب لك هدية
قالت : خلاص موافقة
وجزع لها خالد في الوقت نفسه وركبت معه في سيارته ..
المهم مشوا على هذ الحال اسبوع كامل ...
وأجا يوم السبت اليوم اللي نست فيه عبير تفصل التليفون.. وطلعت مع خالد ..
والتليفون يرن ..قامت ام عبير ترد
أم عبير:الو
المديره :الو السلام عليكم
أم عبير :عليكم السلام من تتكلم؟
المديره::انا الست هدى مديرة المدرسة اللي تدرس فيها بنتك
أم عبير: خير في حاجة!
المديره :لا ما فيش حاجة بس عبير لها اسبوع ماتجيش, أيش هي مريضه ؟؟
ام عبير :كيف ...((وجزعت الموضوع)) ايوة مريضة قليل..
أم عبير مش دارية أيش تسوي هل تكلم أبو عبير ولا تمسك البنت وتسألها ؟؟.
المهم قالت لأبو عبير عن كل حاجة وقال اسمعي لا تقولي لها اي حاجة أنا
بشوف فين تروح...
ويوم الأحد وصل ابو عبير بنته ومشى قليل ورجع وشاف بنته عبير تركب سيارة
خالد.
ومشى بعدهم حتى دخلوا شقة خالد, ودق عليهم الباب..
وقامت عبير تفتح, شافت ابوها وضربها وبعدين هربت للمطبخ وأخذت السكين
تشتي تخوف ابوها وغلطت وطعنته في صدره وسقط ابوها مغمى عليه و أجا
خالد وشاف الموقف وقال لعبير بسرعه شليه معي للحمام..
وحطوه في ((البانيو)) وملأوه مي وحطوا عليه صابون الغسيل ( تايد ) علشان
الرغوه وطلعوا ورجعت البنت للمدرسه وهي تفكر في اللي صار حقيقه ولا
خيال ..المهم طلعت من المدرسه ورجعت مع الباص ودقت باب البيت الا المفاجأه
الغريبه ابوها فتح لها....
وصاااااااااااحت وقالت : أبي مش معقول !!!
رد الأب وقال: (( مع تـــــــــايـــــــــــــد للغسيل مافيش مستحيل ))
هههههههههههههههههههههههههههههههههههههههههههههههههه هههههههههه
ان شاء الله عجبتكم
أوبهوا تصدقوا هذه القصة
أخوكم: نجم كريتر
سلام
Bookmarks