((( بســــــم الله الرحمــــن الرحيــــــم)))
طبعا اكيد فيبكم شجن تشتوا تعرفوا من ام كرفتة بس بعدين في الاخير بتعرفوا ..
نبذة عن ام كـــــــــرفتة..
ام كرفتة طالبة تانوية .. وعمرها 17...
يوميات ام كرفتة تبدا ..
تستيقض في الصباح الباكر مع زقزقة العصــافير وشخير البني ادمين وبعد ذلك تجلس تتغسل بالحمام من الساعة خمس الفجر لما الساعة ست ..
وبعدين تلبس ثياب التانوية ..بعد التياب تجلس تراعي للباص لما تخرج نفسها تمام بعدين لما تجلس تراعي للباص ماشاء الله الساعة ست ونص يعني كل الي في الشارع كــــلاب ماتسمع الا هو هو ...خخخخخخخخخخ...القـــــــصة ومافيها انو ام كرفتة في يوم من الايام بتعمل نفسة....
ستيف اوستن وبتقرح اخر يوم من الامتحان من الفرحة ... الله فرحة ولا بعده..
تمام بعدين في اخر يوم من الامتحان راحت تلعب كـــــرة الطائرة مع العلم ان ام كرفتة من فريق عدن للناشئات في كرة الطائرة..باركولنا فزنا على بنات صنــــــعاء ...لولولولي..
ماعلينا المهم قالت معاها فكرة بتخلى الباص يروح ونعم هم مش داريين ان الباص راح اجت وحدة صاحبة ام كرفتة يابنات فين الباص قالت ام كرفتة الباص عادة مااجاش (كذابة الباص اجا وهي قالت له روح روح)..........
عشان تفعل نفسة ستيف اوستن تمام المهم ...
لكن ام كرفتة (ام الافكار)مافيش حاجة تصعب عليها راحت تقول للبنات اشرايكم اليوم نقرحها مشي للبيت
والبنات يافرحتهم خلصوا الامتحان وافقوا على طول بس ها الموضوع مش هنا الموضوع بعديييييييين وبعد عناء طويل ومشي على الاقدام واخير وليس اخرا وصلوا كل وحدة بالسلامة لبيت اهلها بس ..وام كرفت وصلت والبيت مراعيين لها وينها وينها بس اسمعوا وصلت من هنا وامها سالت ليش الباص اتأخر اليوم ام كرفتة طبعا لازم تقول الحقيقة ولا بيقع كردااف من اصلة ..
قالت وبكل فخر واعتزاز وهي نافخة ريشة ريشا ريشا يا اماه بااماه روحنا مشي ...
وتسمع الا صوت واااااااااو بنتي مشت هذاك الطريق وااااااااو بيخطفوا بنتي المهم ربنا ستر داك اليوم مافيش اضرار ولاكسور .. بس كل وحدة روحت البيت وقدها عرجا ..خخخخخخخ
(ليش تضحك ايوة عرجا مييييييييين دار سعد لما المنصورة متشتيهاش تروح عرجا..
ام كرفتة وااااااااااو لالا ياحرام وصلت ولاقت شماتة وشماتة وحراااج وكل شي من هدة...
وهي مفرحة عملت انجاز والبنات يتصلوا بها ها كيف الاصدا تقول لا ولا حاجة بصراحة امي صاحت قليل بعدين سكتت والبنات مايدروش ايش سوت الام (بام كرفتة) الله يعينها ...بس والله اني رحمت ام كرفتة تدروا ليش لانها اكلتها ضرب الله يعينها وشماتة ياسلام وكمان انحرمت من تمشية الاجازة (عادة خلصت الامتحان) يـــــــــــاحـــــــــــــــــــــرام
بنات انتبهوا تروحوا مشي زي ام كرفتة ولا بيقع لكم كرداف تماااام ..
توتة توتة خلصت الحدوتة .... ياترى ..... حـــــــــــــلوة ولا فتفوتة.....
يلا ســــــــــــــــــــلام
ها ذكرت تشتوا تعرفوا من ام كرفتة اســــــــالوا حضـــــــــــرميتا (حضــ والنعم ـــرميه)
محبتكــــــــــــم دلــــــــــ المنتدى كله ـــــــــــع
Bookmarks