هذا الغلا هذا الغلا هذا الغلا والا فلا ــــــ الي سكن بأقصى الظلوع الضاميه وأنتابها
ياصاحبي لك صاحباً عن كل خلق الله سلا ــــــــ والشاهدالله والبشر مالي بدق أبوابها
جملة مشاعر خافقي مالت و غنت ياهلا ـــــــــ وعينٍ تشوفك يالغضي تطرب بشوف أحبابها
مادام الي حظً معك ..أعرف ترى مابي بلا ـــــــــ والاعلي من الهموم العابره وأسبابها
يامازج الفتنه على الدهشه على الروعه على ــــــــ ملح البحور الساحره وأرض الحيا بأعشابها
وجهك مثل وجه القمر نوره تجلا وأنجلا ــــــــــ عن صافي الوجنه وعن بيضك وعن عنابها
كلك حلا ياصاحبي في ذمتي كلك حلا ـــــ من أخمص أقدامك الي الهامه وزين خضابها
بأطلع وأنا كلي ثقه وأعلن على روس الملا ــــــــــــ أني أسيرٍ.. للعيون الناعسه وأهدابها
هذا الغلا ياصاحبي هذا الغلا هذا الغلا ـــــ وهذي .. مشاعر هاجسي غنت لشوف أحبابها
Bookmarks