السلام عليكم
هذي قصة ثانية..صحيح انها قديمة.ومادري اذا سمعتوها من قبل ولا لا
لكن بصراحة على ايامها كنت كل ما اقراها اموت من الضحك
اذا ماتعرفون معنى كلمة قحفيه = طاقيه = كوفيه
كان فيه نمر
يكره الثعلب
ومتحبس له بالروحه والجية وكل ماشافه
صفعه كف على وجهه وقال له : ليش مب لابس قحفيه؟
وكل يوم على هالحال ..
تعب الثعلب وراح يشتكي لملك الغابة الاسد
قال للاسد : من هو ملك الغابة ؟ قال الاسد انا .. ليش ؟
قال ياخي مافيه امان بهالغابه
.النمر متحبس لي كل ماشافني صفعني كف ويقول ليش مب لابس قحفيه..
وبصراحه تعبت وصرت مصخره حتى للقرود..
استغرب الاسد و قال : معقولة النمر يسوي جي؟
نادووووو ه لي ..وجاء النمر وسأله الاسد :
شو هالكلام اللي اسمعه عنك يابن الحلال ؟ ..
قال النمر: على اخر عمري يطلعون عني اشاعات؟؟
قال الاسد :أي اشاعات الله يهداك بس..
الثعلب يشتكي منك ويقول انك تصفعه كف وتقوله ليش مب لابس قحفيه؟
قال النمر: ياخي اكرهه..اكرهه ماحبه ما ادانيه شو تبيني اسوي ؟
قال الاسد :يا خي انت تحرجني قدام الثعلب.. مايصير تعطيه كفوف بدون سبب .. دور لك أي سبب ..
مثلا : قول له جب لي تفاحه وان جاب لك احمر اصفعه كفين وقول ابي اخضر
واذا جاب لك أخضر اصفعه كفين وقول أبي أحمر ...
قال النمر والله فكرة
اليوم الثاني قابل النمر الثعلب .. وناداه : هيه انت ياثعلب تعال .. روح جب لي تفاح ..
قال الثعلب بكل عفوية وبراءة تبي تفاح احمر ولا اخضر ولا اصفر ؟
عصب النمر وتغير شكله.. وصفع الثعلب كف. وقاله: ليش مب لابس قحفيه؟
Bookmarks