السلام عليكم ورحمة الله وبركاته
هذي قصة قريتها في أحد المنتديات .. وعجبتني وااااايد والله .. رغم طرافتها إلا انها تحمل عبرة ودرس جميل لكل الزوجات اللي لسانهم طوووويل شوووي
كان في زوجة زوجها دايما يسبها ((الله يسامحه)) .. و يطقها
سمعت عن ساحر يعرف حق هالسوالف وراحت له عشان تشوووووف لها حل مع هالزووج .. يمكن تلقى عند الساحر سحر لزووجها ..
عاد الساحر قالها : ((شنو المشكله ؟!))
وتقوول له الزوجة : ((أن زووجي دايما يسبني ))
قالها : ((طيب أنتي أيش تردين عليه ؟!! ))
قالت الزوجة : ((إذا قاللي الله *** ابوج .. اقوله الله *** امك وابوك واخوانك وطوايفك .. وإذا قاللي الله ياخذك اقول الله ياخذك وياخذ اهلك وياك))
قاللها الساحر : ((أممممممم .. زين انا راح اسويلج شي يصير بعدين .. هو شي زين انتي بس جيبيلي سبع حبات من نوى التمر وابريق ماي))
وبعدين جات الزووجة ومعها الطلبات اللي طلبهم منها..
فقاللها : ((روحي وتعالي بعد ثلاثة ايام))...
راحت ورجعت بعد ثلاثة ايام فلقته منقع النوى بالماي
فعطاها النوى المنقوووع وقاللها : ((شوفي انتي كل يوم حطي وحده تحت لسانج .. وإذا هو سبج قوليله ياحبيبي وياعمري))..
<<<< يتفلسف الحبيييب
فلما راحت الزوجة البيت كان زوجها موجوود ..
فقاللها : ((ياغبيه جيبيلي الغدا))
إلا وترد عليه تقوله : ((إنشاء الله حبيبي ))..
ونفس الشيء ثاني يوم .. قاللها : ((الله ياخذج!!)) إلا وترد عليه : ((الله يديمك ذخر فوق راسنا))..
ومرت سبع ايام على هالحال .. والرجال قام يفكر يقول : ((إذا زوجتي زينه وحليوه ليش اسبها ؟!!)) .. فصار زين معاها
وطبعا الزوجة هذا حالها >>>
راحت حق الساحر قالتله : ((مشكور ويعطيك العافيه))
إلا ويضحك ويقوللها : ((ياذكية انا ماسويت لا سحر ولا شي بس المشكله بلسانج الإعصااااااااار ))
لوووووووووول .. اتمنى تعجبكم القصة مثل ماعجبتني..
وانشالله كل زوجة ((سليطة لسان)) تكوون استفادت من هالقصة .. وتتذكر دايما ان الزوووج طفل كبير .. يحتاج الى الحب والحنان..
تحيااااااااااتي
منقوووول
أختكم في الله
Bookmarks