مشاكل الخطوبة والبحث عن الفتاة تقف عائقاً عند بعض الشباب المُقبِل على الكارثة .. الزواج
البحث عن الفتاة .. هذه الحالة مستعصية شوية عند بعض الشباب إلا من قد معاهم بنت " معربنين " عليها فهذا أمرهم سهل , اما الطرف الآخر فربنا يعينه .
نيله من الليالي
الولد يكون" يتلحوس " قدام امه وابوه يمين وشمال يتمطط يشتي يوريهم بأنه كبر وعاوز يتجوز .
تيجي لعنده الأم : هاه يا ولدي الان ندور لك عروس صرت راجل
الولد : " يعمل نفسه مستحي " وهو في الحقيقة خرااااااااااااط . يقول: لا يا امه عاده بدري اشتي ادرس واكون مستقبلي ..بس اللي تشوفيه انتي تمام
تقول له الأم تمام يا ولدي بشوف لك بنت عمك فلان يقول الأبن لا ما اشتيها بلاش هذيك " يكونوا تضاربوا وهم عيال صغار وده يقتلها بدل ما يتزوجها " شوفي لي وحده غيرها , تقول له الأم خلاص فلانة بنت جارتنا ,يقول الولد ايوه هيه هيه خلاص ولا غيرها.
يذهب الولد والأحلام امام عينيه ودجاج الفرح تحلق فوق رأسه وتفكيره " امممممم الله فين راحت عن بالي هذه البنت ..يا ربيييي متى الموعد اشتي اخطب واتزوج قبل ما يجي حد ويلطشها عليه .
يبكر الولد لأمه من الفجر : امه امه امه هاه ايش قالوا ؟ وافقوا ؟ يكونوا تكلموا في الليل الساعة 12 ويشتي الخبر الفجر , الأم : اصبر اصبر انته مستعجل عادنا ما قلنا لهم شيء . الولد : يا مه بسرعة الله يرضى عليك خارجينا هذا الموضوع ملخبط لي تفكيري ترد عليه الأم : خلاص ولا يهمك بنروح لبيتهم اليوم العصر وبتكلم مع امها .
يجي وقت العصر " هااااااان هااااااااااان " صوت السيارة " بيييييب . بييييييييييب " وصلوا لبيت العروسة , تنزل ام الوليد المشطوف تدخل لعند ام البنت اهليييييين امممممممممو " بوس عجاوز "
تنظر نظرات مكر للولد وهو جالس فوق السيارة مثل الولد المخبول تقول له ام البنت : تعال بسلم عليك .. وام الولد تقول له روح سلم على عمتك ينزل الولد " والحيا يقطعه تقطيع "يكون راسه لتحت وعيونه في الأرض وكأنه مضيع فلوس . ووووو طم قح بب يصطدم في الجدر والضحكات تعلوا افواه الحريم المتونسات بالولد المغلوب على أمره يسلم الولد ويأخذ موعد من امه ويروح.
يدخلوا الحريم البيت وهااااااااات يا شفط من الهوة قلص يتبع قلص
اشبشبشبشرب " صوت شرب القهوة "
ام البنت "اشبشبشبشرب" : ايوة كيفك ايش هذا الخبر اللي قلتي لي عليه بالتلفون
ام الولد :اشبشبشبشرب" : حاجة .. بس قربي اذنك بكلمك
ام البنت " اشبشبشبشرب" عادي قولي مفيش حد غريب
ام الولد "اشبشبشبشرب": نشتي نخطب بنتكم على ابني ؟
ام البنت "اشبشبشبشرب": هيا ذحي انتي قربي اذنك
ام الولد "اشبشبشبشرب": اوب ... وينقطع البث
..
.
.
يأتي وقت المغرب يروح الولد لأمه وقلبه طربق طربق , يأخذ امه ويروحو البيت ويبدأ بينهم الكلام
الولد : هاه ايش قالو ؟
الأم : ايش اقول لك يابني يمكن مالكش نصيب فيبه خلاص بنشوف لك غيرها البنت طلعت مخطوبة
الولد : لييييييييييش
الأم تقول لأبنها خلاص ايش رأيك بفلانة ؟ .يقول الولد ماشتيش . طيب فلانة ؟ يرد ما ليش نفس , تتعدل الأم بجلستها خلاص لقيتها معي لك وحده مثل القمر , تبدأ علامات الفرح على الولد الذي حلّت به هذه البلية وبعد عدة أيام يأتيه خبر بأن الفتاة محجوزة من قبل الإدارة .
وتستمر عملية البحث وصاحبنا قد بلغ من الكبر عتيا .. يأتي عمره 50 سنة ..
كح كح كح اشتي اتزوج يامه كح كح
الأم المُعمّرة : يا وليد كح كح كح معي لك جارتنا زوجها مات تشتيها كح كح كح
الشيبة : الحاصل يا مه كح مح الحقيها قبل ما تموت
تروح الأم على الكرسي المتحرك وترجع لولدها الشيبة : البقية في حياتك كح كح لكن اسمع معي لك جارتي لكنها ما تمشي الولد : كح كح طيب طيب الحاصل كح كح
تروح الأم لعند جارتها اللي ما تمشي تتم الموافقة بحمد الله وعادها تعيش ما ما تت :D ترجع تتشتي تبشر ابنها تلاقيه مات
..
_ شفت كيف المآساة الخارجية والداخلية .. ومن مشتات التفكير بالزواج عدة اشياء الزواج نفعه في هذا الزمن صار أقل من ضررة ... فالبنت يشتي لها مبلغ وقدرة والأم كمان .
"تفكير شخص مقبل على زواج "
.. امممممممممم يا الله الان يتشي للعروسة خمسمائة الف والغدا مائتين الف والزفاف والثياب ثلاثمائة الف وحق الخالة وحق العمة والجيران وعيال الحارة وحق الدمغة وكل حاجة تتجمع في عرسي وكأنها وزارة جالس اعمد فيها ورقة وأعطي لكل موظف حق علشان يوقع لي الورقة ..
افكر الغي المعاملة وأقطع الورقة
ايش رأيكم ؟
:36_1_13:
Bookmarks