وانه اليمن شف محله ما بغيـناه
هذه القصيده للشعار الشبواني للمرحوم صالح بن عايض بن حويل الكربي وهي رد على قصيده لمفرج بن حمد بن بقصه الكربي سنه 1986م:
يا رجم حل الضحى ذبيت مبـداه × معرف ترابه ولا ادري من حلـولـه
والخد طيب سوا وقته ومـرعاه × واللـه مغبط علينا بالسـهـولـه
مستامنه من معه بندق مخبـاه × معاد حد شلها في حكم دولـه
ماتفرق العايله تصريحها القــاه × في البيت ما اللغير ممنوع شلـولـه
يقول ابوغالب ان النوم ما جـاه × من قيل جاني مسلسل في فصـولـه
لا يا مفرج كتابك جا وشـفـنـاه × ذي ناصر حزام من عندك رسـولـه
رحبت به يوم مـده لي بـيـمـناه × وقلت له مرحبا ساعه وصـولــه
واستخرجه لي ومضمونه عرفــناه × واحسنت يا بو حمد في ما تـقـولـه
منا بمنذي الى جا اخوه يشنـاه × يقول قد ذا يبا شي من حصـولـه
ذي عندنا لا عوزته ماذخـرنـاه × وبالظن ذي عندك انا بالـنـولــه
وانه اليمن شف محله ما بغيـناه × مابا لجرب جياده من فـسـولــه
هذا اول الفصل والثاني سمـعنـاه × ان صاحبك قال ومطرح عـدولـه
والعدل لا قد طرح تبين دعـواه × وانه السرف واجب انك ماتـقـولـه
في الواسطه ذي يجيبون المـغاواه × هرج السوا والقدا ما هم بـحـولــه
كلن على شف قلبه حيث يـهـواه × امزمره كلن معرب طـبـولــه
والصبر شف من صبر يحمد لعقـباه × وانته ولد شيخ تصبر عالحـمـولـه
داري بكل ومسراحه ومـضـواه × ومن بغا شي ولا هوله يهـولـه
وانها المناقيد تتبعها المـراضاه × وكل من الناس تحكي به فـعـولـه
هذا جوابك على البركه كـتـبـنـاه × والهرج با قصره مالي بطـولــه
ياسنح جنبي الى جات المبـاراه × في المجلس الحرج والبندق بتـولـه
#
Bookmarks