بسم الله الرحمن الرحيمتعــبــت
تعبت وانا مراعي لك
قلي متى باتلاقيني
متى ظروفك عتسمح لك
ومن جروحي تداويني
قد ذبت من كُثر شوقي لك
إعطف عليّا وواسيني
وارحم فؤادي أنا شاهلك
لو صدق عاد انت تشتيني
أنا حبيبك أنا خِلك
للمه بهجرك بتكويني
وانا الذي عشت مملوك لك
ما تطلبه قلت من عيني
وهبت روحي وقلبي لك
مفروض بالروح تفديني
مش تستمع من يوسوس لك
ويعلّمك أن تجافيني
هذا بيضحك على عقلك
يشتيك بالمُر تسقيني
يشتيك تبقى على جهلك
ومنيته لو تغثيني
أرجوك يا خل من فضلك
لا تُشمت الحاسدين فيني
وعود وارجع إلى أصلك
وجود بالوصل واحييني
أقسمت ما اكون إلا لك
حبك لوحده يكّفيني
هواك هو كل ما أملك
يا اغلى ويا احنج من النيني
لو تحرم القلب من وصلك
فالعيش ما عاد يعنيني
أرجوك فكّر على مهلك
واللي عيرضيك يرضيني
بقلم(( طلال خصروف ))(( أبو حمزة رمز الوفاء والعزة ))
Bookmarks