الهجر والحرمان
اقاسي لوعة الفرقا من الهجـران والحرمـان
بلا ذنب جنيته قـرر المحبـوب ينسانـي
قسا فالحكم لكني أعده لـي مـن الاخـوان
معـه عـذره ولكنـي ابقـى دايـم اعانـي
صحيح ان الوادع صعب خص ان كان للخلان
تكسّر عبرتي والدمع يجري فـوق الاوجانـي
من الصدمة تزلزل كل ضلع بي شامخ البنيـان
وانا من بعـد ماقـرر يـسير انهـد بنيانـي
انا ماانساه يوم انه سقـى بستانـي العطشـان
ولكن بعـده ادذبل جميـع زهـور بستانـي
وانا ماانساه يوم انه ضحك في ثغـره الفتـان
يشوقنـي اليه كتـب عذبـات الالحـانـي
وانا ماانساه يوم انه يصارحني بسـري كـان
وحلفت السر مايظهر ولاينطـق بـه لسانـي
صحيح انه تركني ماترك حتى لـي العنـوان
ولكـن حبـه بقلبـي فـلا يـوزن بميزانـي
انا احمر العينين يعرفني كل جني و انسـان
ولكن القدر يحكم ونرضى الحكـم لـو كانـي
سقى الله دار محبوبي اماني من الامـزان
ولو يقسى علي اقبل وانـا ماني بزعلانـي
الا ياطير ياللي في سما نجران اطلق الجنحـان
توجـه إلى دار الذي قسـا وقتـه وجافانـي
وقل له مستحيل انه يجي فـي خانـة النسيـان
عسى ربـي يوفقـه ويحفظـه ويـن ماكانـي
انا ودعته الله والولـي ربـي عظيـم الشـان
حماه الله من الاخطار وايضا الـرب يحمانـي
ابيع الروح له فدوة ولو يطلـب مـن الاثمـان
واقول ارجوك لاترحل كفاني منـك ماجانـي
عسانا نلتقي في جنة ينعـم بهـا الولـدان
عسى ربي يحقق رغبتي والقى مـن ابكانـي
وهذي قصتي وضحتهـا لـو مالهـا عنـوان
ولكن اللبيب اللـي يعـرف بـدون عنوانـي
مع تحيات بقلم احمر العين
Bookmarks