Originally Posted by
Alga76ani
ياخي الكبير وأستاذي فارس
انت من لحمي ودمي وانا اعتذرت لك امس وشرحت لك اني ماقصدتك او قصدت الاخوه في المنتدى .
ياخي انا كتبت موضوع قبل فتره في القسم السياسي وحذرت فيه وقلت فيه بكل صدق وبكل صراحه احنا شماليين ونفتخر باننا يمنيين نفتخر بالوحده وباليمن وماعندنا تفرقه عنصريه ولكن الواحد كم بايتحمل اهانات من قبل اوباش قذره في هذا المكان او غيره .
كتبت عدة مرات اذا فيه واحد معه مشكله مع علي عبدالله صالح يروح الى عنده او يكتب له .
ياخي الى متى والبعض هنا يمثل علينا انه ضحيه ويبرر استهدافه لشعب كامل وللشماليين بسبه للشماليين واستخدام كلمات جارحه علشان هدف مريض في عقله وقلبه.
ياجماعة الخير هذه الطريقه والله تولد الكره والفرقه بين الاخوه .
مثل هذا الشخص عديم الذوق والتربيه فتحي بن الاخضر عنده عقده من الشماليين وانتم كلكم هنا تسمحون له يتمادى .
يعني احنا الشماليين مانقدر نقول كلام مثله ونوصف الجنوبيين بمثل كلامه واكبر .
قادرين بس قلناها الف مره أخلاقنا وتربيتنا ومبادئنا ماتسمح لنا بهذا .
عيب والله عليكم وعار .
هل هذه ثقافه ؟
هل هذا يرضيك يافارس او يرضي غيرك هنا في هذا المنتدى ؟
يشتوا يحرروا الجنوب الله معاهم يتفضلوا ايش دخل هتك الاعراض وتعدي حدود الاخلاق في التحرير .
اكلمك بكل صدق قبل مااعرف المنتديات كنت في نعمه ماعندي فرق بين عدني ولاصنعاني تعزي وألا حضرمي كلهم يمنيين وبعد ان دخلت هذا السوق وانت السبب يافارس بديت بدون شعور وغصب عني افرق بين هذا وذاك .
وان واحد قال ياجماعه عيب صاحوا وقالوا انت شمالي مطبل للنظام .
يشهد الله علي اني مارقدت امس بسبب النقاش الذي كان بيننا .
سامحني ان غلطت في حقك امس وانا معك ومن اليوم
معآ ضد العنصريه والطائفيه في هذا المنتدى .
Bookmarks