بسم الله الرحمن الرحيم
كيف الحال كوووووووووووووولكم
ما بطول عليكم
خلونا نخش بالموضوع دغري
ولا اقول لكم؟
أنا مرخم شويه...على كذا قررت اطول عليكم
لأن لي فتره ما انزل مواضيع هنا
ياعيني...موضوعي وانا حر فيه
واللي ما عجبه يدور في الغرفه اقوى جدر ....ويرجه براسه
المهم
أحيانا يكون دماغي رايق وأحيانا العكس
عندما يكون رايق ابدأ اصور بأي زغط وأي مخرط وأي شي
أما اذا كان العكس ...فأنسى ان معي كاميرا من أصله
وتلاقوا وجهي مكشر\:
وكلللللللللل اصحابي يلاحظو علي هذا الشي
ويعرفوا اني مش مرتاح***********مش عارف ايش دخل هذا الكلام بالموضوع
في معي كمية صور التقطتهم هذي المره من القاهره ونواحيها
وكلما اقول انزلهم.... بيقول لي أهدء ولف فوقهم كمان كم صوره ونزل موضوع زي الناس
حتى الآن عاده مش موافق اني انزل الموضوع ....بس جبنا له بندق آلي وجمبيه تحكيم يوقفوه لما ننزل الموضوع
وبعد صراع طويل معه قبل التحكيم
انتوا دارين منهو؟؟؟؟؟؟؟؟؟؟؟؟؟؟؟ هذا الظل حقي my shadow
تعيشوا وتاكلو غيرها
يالله بحط لكم الصور
بس بصراحه مش عارف التفاصيل عليهم
يعني اذا في اي تقصير ...الأخت نور العين بتفيدكم :|
أول صورتين overview على القاهره من حدائق الأزهر
هذي تقريبا قلعة صلاح الدين الأيوبي
مش متأكد من المعلومات ياجماعه
الحقيني يانوووووووووووور
هذي الحديقه اللي كنت اصور منها
على فكره...انا دفعت فلوس على دخول الحديقه...المفروض تفرقوا معي\:
طيب هذولا جالس اصورهم ونا على محور اكتوبر
هذي قد حطيتها بموضوع لقطات طائشه
وهذولا الصور من شقة المذاكره
ولا تحلى لنا إلا فيها
مع المنظر يقرح الكيف
امانه ايش رايكم في المنظر؟
عادكم لسى شفتوا حاجه
كلما اطلع اذاكر ادخل المطبخ واصور منه وارجع الصاله واصور منها واروح غرفة النوم وأصور منها
وكل المناظر المطله عليها حلوهlove:
صاحبي يقول لو حصل بشقتهم شي اني انا غريمه
الآن أجيب لكم صور بالنهار من نفس المكان
من شان تعرفوا ليش احب موقعها
كللللللللللل مكان اقدر اشوفه
هنا باين برج القاهره
تخيلو
حتى الأهرام اللي تبعد بحوالي 20 كيلو متر اقدر اشوفها
شوفوا وين السهم
أكيد داخت روسكم من المرتفعات ههههههههههه
خلونا ننزل لتحت شويه
خلونا نبدأ بشارع شهاب
حبيب ألبي
انا ساكن هنا
هذولا الصور التقطتهم من كافيه على النيل اسمه تريانون ((Trianon
وهذي لطشناها على الطاير من شارع جامعة الدول
المهم
كفايه عليكم كذا
الصور باقي كثير
بس حلاوة الشيئ بقلته
من بيني انا وياكم
انا قد طفشت من الأبلود
خلوني اريحكم
وارتاح انا كمان
المهم
لا تنسوني من ردودكم الحلوه
وياويله اللي بيدخل وما بيرد
انا متعاقد مع همسات تقول لي من اللي بيدخل وما يرد
من شان أروح ابهذله على الخاص
يالله
معاكم الله
سلامووووووووووووووووووز
Bookmarks